വ്യോമയാന വിദ്യാര്‍ത്ഥിനി ബേക്കറി ജീവനക്കാരനൊപ്പം നാടുവിട്ടു

നീലേശ്വരം: (www.kasargodvartha.com 27.06.2018) വ്യോമയാന വിദ്യാര്‍ത്ഥിനിയായ 20കാരി ബേക്കറി ജീവനക്കാരനോടൊപ്പം നാടുവിട്ടു. മടിക്കൈ കാലിച്ചാംപൊതിയിലെ യുവതിയാണ് പാലക്കാട് അഗളി സ്വദേശിയായ കാമുകനോടൊപ്പം നാടുവിട്ടത്. കഴിഞ്ഞ ദിവസം പയ്യന്നൂരിലെ കോളേജിലേക്കാണെന്നും പറഞ്ഞിറങ്ങിയ പെണ്‍കുട്ടി തിരിച്ചെത്തിയില്ല.

തുടര്‍ന്ന് ബന്ധുവീടുകളില്‍ അന്വേഷിച്ചെങ്കിലും കണ്ടെത്തിയില്ല. മൊബൈല്‍ഫോണ്‍ സ്വിച്ച്ഡ് ഓഫ് ചെയ്ത നിലയിലാണ്. തുടര്‍ന്ന് ബന്ധുക്കള്‍ നീലേശ്വരം പോലീസ് സ്റ്റേഷനില്‍ നല്‍കിയ പരാതിയെ തുടര്‍ന്നുള്ള അന്വേഷണത്തിലാണ് യുവതി അഗളി സ്വദേശിയായ ബേക്കറി ജീവനക്കാരനോടൊപ്പം പോയതായി കണ്ടെത്തിയത്. ഫേസ്ബുക്കിലൂടെയാണ് ഇവര്‍ തമ്മില്‍ പരിചയത്തിലായത്. അഗളിയില്‍ വെച്ച് ഇവര്‍ വിവാഹിതരായെന്നാണ് പോലീസിന് ലഭിച്ച വിവരം.