കാസര്‍കോട് പോലീസിനെ കെ.എഫ്‌.സി. പയ്യന്നൂര്‍ വീഴ്ത്തി

കാസര്‍കോട്: നാഷണല്‍ സ്‌പോര്‍ട്‌സ് ക്ലബ്ബിന്റെ ആഭിമുഖ്യത്തില്‍ തളങ്കരയില്‍ നടക്കുന്ന അഖിലേന്ത്യാ സെവന്‍സ് ഫുഡ്‌ബോള്‍ ടൂര്‍ണമെന്റില്‍ വെള്ളിയാഴ്ച നടന്ന മത്സരത്തില്‍ ഒരു ഗോളിന് കെ.എഫ്.സി. പയ്യന്നൂര്‍ കാസര്‍കോട് പോലീസിനെ വീഴ്ത്തി. രണ്ടാം പകുതിയിലാണ് കെ.എഫ്.സി. പയ്യന്നൂര്‍ വിജയ ഗോള്‍ നേടിയത്.

ശനിയാഴ്ച നടക്കുന്ന മത്സരത്തില്‍ കെ.ടു മംഗലാപുരം എം.എസ്. ബേക്കറി കാസര്‍കോടിനെ നേരിടും. വെള്ളിയാവ്ച നടന്ന മത്സരത്തില്‍ ഖത്തര്‍ വ്യവസായി ലുഖ്മാന്‍ തളങ്കര, എ.കെ. ബഷീര്‍, മഹ്മൂദ് തളങ്കര എന്നിവര്‍ കളിക്കാരുമായി പരിചയപ്പെട്ടു. കെ.ടു മംഗലാപുരത്തിന് വേണ്ടി ഇന്ത്യന്‍ താരം റിഗുവും എം.എസ്. ബേക്കറിക്ക് വേണ്ടി ഈസ്റ്റ് ബംഗാള്‍ താരം അനില്‍ അബുവും കളിക്കളത്തിലിറങ്ങും.