ന്യൂസ് പേപ്പറില്‍ പലഹാരം പൊതിയുന്നതിനും കൈതുടക്കുന്നതിനുമെതിരെ നടപടി
Sep 10, 2012, 14:00 IST
തട്ടുകടകളില്‍ നിന്നും ഹോട്ടലുകളില്‍ നിന്നുമാണ് എണ്ണപലഹാരങ്ങള്‍ ഇത്തരത്തില്‍ അച്ചടി പേപ്പറുകളില്‍ പൊതിഞ്ഞുനല്‍കുന്നത്. ചില സ്ഥലങ്ങളില്‍ പൊരിച്ച മീനും കോഴിയും ന്യൂസ് പേപ്പറുകളില്‍ പൊതിഞ്ഞുകൊടുക്കുന്നുണ്ട്. പല ഹോട്ടലുകളിലും ഭക്ഷണം കഴിച്ചുകഴിഞ്ഞാല്‍ തുടക്കാന്‍ ന്യൂസ് പേപ്പറുകള്‍ കീറിനല്‍കുന്നുണ്ട്. പേപ്പറിലെ മഷിയില്‍ ഈയ്യവും കാര്‍ബണുമാണ് അടങ്ങിയിട്ടുള്ളത്. ഇത് ക്യാന്‍സറിനും കിഡ്‌നി സംബന്ധമായ രോഗത്തിനും അള്‍സറിനും മറ്റ് പലവിധ രോഗങ്ങള്‍ക്കും ഇടയാക്കുമെന്നാണ് ആരോഗ്യവകുപ്പ് അധികൃതരുടെ മുന്നറിയിപ്പ്.
എണ്ണപലഹാരം പേപ്പറില്‍ എടുക്കുന്ന പലരും എണ്ണമയം കളയാന്‍ ന്യൂസ് പേപ്പറില്‍ അമര്‍ത്തിത്തുടക്കാറുണ്ട്. ഇത് മഷിയുടെ അംശം കൂടുതല്‍ ശരീരത്തിനകത്ത് കടക്കാന്‍ കാരണമാകുന്നു. പേപ്പറില്‍ നിന്നും വളരെ കുറഞ്ഞ അളവിലാണ് ഈയവും കാര്‍ബണും ശരീരത്തില്‍ എത്തുന്നതെങ്കിലും തുടര്‍ചയായി ഇത്തരത്തില്‍ ഭക്ഷണ സാധനങ്ങള്‍ കഴിക്കുന്നത് അപകടത്തിന് കാരണമാകും. ടിഷ്യു പേപ്പറില്‍ ആഹാരസാധനങ്ങള്‍ പൊതിഞ്ഞുകൊടുക്കുന്നത് കൊണ്ട് ആരോഗ്യപ്രശ്‌നം ഉണ്ടാകുന്നില്ല.
അച്ചടി മഷി പുരളാത്ത പേപ്പറുകളും അപകടമുണ്ടാക്കില്ല. തിരുവനന്തപുരത്തെ നിരവധി കടകളില്‍ ഫുഡ് ഇന്‍സ്‌പെകടര്‍മാര്‍ പരിശോധന നടത്തി തട്ടുകട ഉടമകള്‍ക്കും ഹോട്ടലുടമകള്‍ക്കുമെതിരെ പിഴചുമത്തി. ന്യൂസ് പേപ്പറില്‍ പലഹാരങ്ങള്‍ പൊതിഞ്ഞുകൊടുക്കുന്നതായി കണ്ടെത്തിയാല്‍ 2,000 രൂപയാണ് പിഴ ഈടാക്കുന്നത്. കാസര്‍കോട്ടും ആരോഗ്യവകുപ്പ് അധികൃതര്‍ വൈകാതെ നടപടി തുടരുമെന്നാണ് സൂചന.
Keywords: Kasaragod, Oil, Hotel, Food, Kerala, Action, News Paper
Tags
Share this story
