വീട് കുത്തിതുറന്ന മോഷ്ടാവ് ഗള്‍ഫുകാരന്റെ ഭാര്യയുടെ സ്വര്‍ണ്ണമാല കവര്‍ന്നു

By Web Desk SreJul 19, 2012, 11:39 IST

വീട് കുത്തിതുറന്ന മോഷ്ടാവ് ഗള്‍ഫുകാരന്റെ ഭാര്യയുടെ സ്വര്‍ണ്ണമാല കവര്‍ന്നു

കുമ്പള: വീട് കുത്തിതുറന്ന മോഷ്ടാവ് വീട്ടിലുറങ്ങി കിടക്കുകയായിരുന്ന ഗള്‍ഫുകാരന്റെ ഭാര്യയുടെ കഴുത്തില്‍ നിന്നും രണ്ട് പവന്റെ സ്വര്‍ണ്ണമാല കവര്‍ന്നു. ബന്തിയോട് വില്ലേജ് ഓഫീസിന് സമീപത്തെ ഗള്‍ഫുകാരനായ അബ്ദുല്‍ റഹ്മാന്റെ ഭാര്യ അസ്മയുടെ കഴുത്തില്‍ നിന്നാണ് രണ്ട് പവന്റെ സ്വര്‍ണ്ണമാല കവര്‍ച്ച ചെയ്തത്.

വ്യാഴാഴ്ച പുലര്‍ച്ചെ മൂന്നു മണിയോടെ ടെറസിന്റെ വാതില്‍ കമ്പിപാരകൊണ്ട് കുത്തി തുറന്ന് അകത്ത് കടന്ന മോഷ്ടാവ് കിടപ്പുമുറിയില്‍ കയറി അലമാര കുത്തിതുറന്നു. അലമാരയ്ക്കകത്ത് സ്വര്‍ണ്ണാഭരണങ്ങള്‍ സൂക്ഷിച്ചിരുന്നെങ്കിലും മോഷ്ടാവിന് അത് കണ്ടെത്താനായില്ല. ഇതിന് ശേഷമാണ് ഉറങ്ങി കിടക്കുകയായിരുന്ന അസ്മയുടെ കഴുത്തില്‍ നിന്നും മാല പൊട്ടിച്ചെടുത്തത്.

മാലപൊട്ടിക്കുന്നതിനിടെ അസ്മ ഉണര്‍ന്ന് ബഹളം വെയ്ക്കുകയും അയല്‍വാസികള്‍ ഓടികൂടി പോലീസില്‍ വിവരമറിയിക്കുകയും പോലീസ് സ്ഥലത്തെത്തി തിരിച്ചില്‍ നടത്തിയെങ്കിലും മോഷ്ടാവിനെ കണ്ടെത്താന്‍ കഴിഞ്ഞിട്ടില്ല. അസ്മയും രണ്ടു മക്കളുമാണ് വീട്ടില്‍ താമസിക്കുന്നത്. കാസര്‍കോട്ടു നിന്നും വിരലടയാള വിദഗ്ദ്ധര്‍ എത്തിയിട്ടുണ്ട്.

Keywords: Kumbala, Gold chain, Theft, House-wife