മൊവാസ് പുരസ്‌കാരങ്ങള്‍ സമ്മാനിച്ചു

മൊഗ്രാല്‍ പുത്തൂര്‍: മൊഗ്രാല്‍ പുത്തൂര്‍ വെല്‍ഫെയര്‍ അസോസിയേഷന്‍ യു.എ.ഇ (മൊവാസ്) ഏര്‍പെടുത്തിയ മികച്ച സാമൂഹിക സേവകനും, മികച്ച നവാഗത സംരംഭകനുമുള്ള പുരസ്‌കാരങ്ങള്‍ വിതരണം ചെയ്തു. മൊഗ്രാല്‍ പുത്തൂര്‍ ടൗണില്‍ സ്വാതന്ത്രദിനത്തില്‍ നടന്ന ആഘോഷ പരിപാടിയില്‍ വെച്ച് മികച്ച സോഷ്യല്‍ വര്‍ക്കറായി തിരഞ്ഞെടുത്ത മൊഗ്രാല്‍ പുത്തൂര്‍ ജി.എച്ച്.എസ്.എസിലെ റിസോഴ്‌സ് അധ്യാപകന്‍ സി. രാമകൃഷ്ണന്‍ മാസ്റ്റര്‍ക്ക് ജില്ലാ കലക്ടര്‍ പുരസ്‌കാരം സമ്മാനിച്ചു.

മികച്ച നവാഗത സംരംഭകനായി തിരഞ്ഞെടുത്ത മുഹമ്മദ് ഹിസാമുദ്ദീന് എന്‍.എ. നെല്ലിക്കുന്ന് എം.എല്‍.എ. പുരസ്‌കാരം സമ്മാനിച്ചു. എന്‍.എ. നെല്ലിക്കുന്ന് ഉദ്ഘാടനം ചെയ്ത ചടങ്ങില്‍ ജില്ലാകലക്ടര്‍ പി.സ്. മുഹമ്മദ് സഗീര്‍ മുഖ്യാതിഥിയായിരുന്നു. മൊവാസ് പ്രസിഡണ്ട് സക്കീര്‍ അഹ്മദ് അധ്യക്ഷത വഹിച്ചു.

ചടങ്ങില്‍ മുന്‍ ജില്ലാ പഞ്ചായത്ത് മെമ്പര്‍ പി.എ. അഷ്‌റഫ് അലി, മൊഗ്രാല്‍ പുത്തൂര്‍ പഞ്ചായത്ത് പ്രസിഡണ്ട് നജ്മ അബ്ദുല്‍ഖാദര്‍, എസ്.പി. സലാഹുദ്ദീന്‍, കെ. കുഞ്ഞിരാമന്‍, കെ.സി. നൗഷാദ്, മുജീബ് കമ്പാര്‍, റഫീഖ് കോട്ടക്കുന്ന്, പി.ജി. ശംസുദ്ദീന്‍, കെ.പി. റഫീഖ്, പി.എസ്. മുഹമ്മദ് നസീര്‍, പി.ബി. ബഷീര്‍, എ. നെഹ്‌റു, പീബീസ് അബ്ദുര്‍ റഹ്മാന്‍ എന്നിവര്‍ സംബന്ധിച്ചു.

സെക്രട്ടറി റഹീം നെക്കര സ്വാഗതവും, റഹിം പുത്തൂര്‍ നന്ദിയും പറഞ്ഞു.
Keywords : Mogral Puthur, Nellikatta, District Collector, Kasaragod, Kerala, UAE, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.