മെഡിക്കല്‍ എന്‍ട്രന്‍സ് പരീക്ഷയില്‍ സഹോദരങ്ങള്‍ക്ക് റാങ്ക്; എരിയാലിന് അഭിമാനം

നജാദ് ഹുസൈന്‍

കാസര്‍കോട്: (www.kasargodvartha.com 21/05/2015) മെഡിക്കല്‍ എന്‍ട്രന്‍സ് പരീക്ഷയില്‍ എരിയാലിലെ സഹോദരങ്ങള്‍ക്ക് റാങ്ക് ലഭിച്ചത് നാടിന് അഭിമാനമായി. എരിയാല്‍ കണ്ടത്തില്‍ വൈറ്റ് ഹൗസിലെ  ചെട്ടുംകുഴി അബ്ദുല്‍ റഹ്മാന്‍ - ആബിദ ദമ്പതികളുടെ മകന്‍ നജാദ് ഹുസൈന്‍ ജില്ലയില്‍ ഒന്നാം സ്ഥാനത്തെത്തി. നജാദ് ഹുസൈന് സംസ്ഥാന തലത്തില്‍ 27-ാം റാങ്കാണ് ലഭിച്ചത്.

സജ്ജാദ് ഹുസൈന്‍

നജാദ് ഹുസൈന്റെ മൂത്ത സഹോദരന്‍ മുഹമ്മദ് സജ്ജാദ് ഹുസൈനും മെഡിക്കല്‍ എന്‍ട്രന്‍സില്‍ മികച്ച വിജയമാണ് നേടാന്‍ കഴിഞ്ഞത്. സംസ്ഥാനതലത്തില്‍ സജ്ജാദിന് 89-ാം റാങ്ക് ലഭിച്ചു. എടനീര്‍ സ്വാമിജി ഹയര്‍സെക്കന്‍ഡറി സ്‌കൂളിലെ വിദ്യാര്‍ത്ഥികളാണ് ഇരുവരും.

സഹോദരങ്ങളുടെ റാങ്ക് നേട്ടം എരിയാലിന് അഭിമാനവും ഒപ്പം ആഹ്ലാദവും പകര്‍ന്നിരിക്കുകയാണ്. ജില്ല വ്യവസായ കേന്ദ്രത്തിലെ ക്ലര്‍ക്കാണ് പിതാവ് അബ്ദുല്‍ റഹ്മാന്‍. ഫാത്തിമത്ത് ഷമിം ഹസീന, ഹാമിദ് വഖാര്‍ ഹുസൈന്‍, ആയിഷത്ത് തമിം ഹസീന, മഹ്മൂദ് യാസര്‍ ഹുസൈന്‍ എന്നിവര്‍ സഹോദരങ്ങളാണ്.

ഞങ്ങളുടെ  Facebook ലും  Twitter ലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.