മണല്‍ ക്ഷാമം രൂക്ഷം; ജില്ലയിലെ നിര്‍മ്മാണ മേഖലയില്‍ സ്തംഭനം
Jul 16, 2012, 08:35 IST
മണല്‍ കിട്ടാതായതോടെ ജീല്ലയിലെ നിര്‍മാണ മേഖല പൂര്‍ണമായും സ്തംഭിച്ചു. മുമ്പ് ശേഖരിച്ചമണല്‍ ഉപയോഗിച്ച് പണിമുന്നോട്ടുകൊണ്ടുപോയ പ്രവൃത്തികളും ഇപ്പോള്‍ നിലച്ചു. മണല്‍ കിട്ടണമെങ്കില്‍ ലോഡിന് 20,000 രൂപ കൊടുക്കേണ്ടഅവസ്ഥയാണുള്ളത്. തേപ്പ് ജോലിക്ക് അത്യാവശ്യം ഉപയോഗിക്കുന്നുണ്ടെങ്കിലും ഇത്രയും വലിയ തുക കൊടുത്ത് മണല്‍ വാങ്ങാന്‍ കരാറുകാര്‍ തയ്യാറാകുന്നില്ല. രണ്ടുമാസം മുമ്പുവരെ 2000 മുതല്‍ 3000 രൂപ വരെ കൊടുത്താല്‍ ജില്ലയില്‍ ഒരുലോഡ് മണല്‍ കിട്ടുമായിരുന്നു.
ജില്ലയില്‍ ഇ-മണല്‍ പദ്ധതി ആരംഭിച്ചതോടെയാണ് മണലിന് കടുത്ത ക്ഷാമം തുടങ്ങിയത്. ഇടനിലക്കാരുടെ തട്ടിപ്പ് ഒഴിവാക്കി ആവശ്യക്കാര്‍ക്ക് ന്യായവിലക്ക് മണല്‍ കിട്ടുന്നതിനാണ് ഇ-മണല്‍ സംവിധാനം തുടങ്ങിയതെന്നാണ് അധികൃതര്‍ പറഞ്ഞത്.
കടലിലെ അനധികൃത മണലെടുപ്പും നിശ്ചിത അളവില്‍ കൂടുതല്‍ വാരി പുഴയുടെ നാശത്തിന് ഇടയാക്കുന്നതും തടയാന്‍ ഈ സംവിധാനം സഹായിക്കുമെന്നായിരുന്നു പ്രചരണം.
Keywords: Kasaragod, Sand, Labourer, Demand
Tags
Share this story
