ബൈക്കില്‍ സഞ്ചരിക്കുകയായിരുന്നവര്‍ തമ്മില്‍ തര്‍ക്കവും കത്തിക്കുത്തും; 3 പേര്‍ ആശുപത്രിയില്‍

By Web Desk - MainFeb 20, 2018, 15:43 IST

ബദിയടുക്ക:(www.kasargodvartha.com 20/02/2018) ബൈക്കില്‍ സഞ്ചരിക്കുകയായിരുന്നവര്‍ തമ്മില്‍ തര്‍ക്കവും കത്തിക്കുത്തും. കുത്തേറ്റ മൂന്നു പേരെ ആശുപത്രിയില്‍ പ്രവേശിപ്പിച്ചു. നീര്‍ച്ചാല്‍ പുതുക്കോളിയിലെ സതീശന്‍ (43), കൊല്ലങ്കാനയിലെ ഗണേശ (33), മുന്‍ പഞ്ചായത്ത് മെമ്പര്‍ മാന്യയിലെ മഞ്ജുനാഥ(40) എന്നിവര്‍ക്കാണ് കുത്തേറ്റത്.

ഇതില്‍ സതീശനെയും ഗണേശയെയും കുമ്പള സഹകരണാശുപത്രിയിലും മഞ്ജുനാഥയെ കാസര്‍കോട് കിംസ് ആശുപത്രിയിലും പ്രവേശിപ്പിച്ചു. തിങ്കളാഴ്ച ഉച്ചയ്ക്ക് 12.30 മണിയോടെയാണ് സംഭവം. ബൈക്കില്‍ പോവുമ്പോള്‍ നീര്‍ച്ചാല്‍ ടൗണില്‍ വെച്ച് തര്‍ക്കമുണ്ടാവുകയും അക്രമത്തിലേര്‍പെടുകയുമായിരുന്നു. സംഭവത്തെക്കുറിച്ച് ബദിയടുക്ക പോലീസ് അന്വേഷണം ആരംഭിച്ചു.