പാര്‍ശ്വവല്‍ക്കരിക്കപ്പെട്ട ജനതയുടെ വിമോചന സ്വപ്നങ്ങളും ഗോത്ര സംസ്‌കൃതിയുടെ കരുത്തും വിളംബരം ചെയ്യുന്ന സര്‍ഗോത്സവത്തിന് ശനിയാഴ്ച തിരശീല വീഴും

By Webdesk ViDec 29, 2017, 16:40 IST

കാഞ്ഞങ്ങാട്:(www.kasargodvartha.com 29/12/2017) പാര്‍ശ്വവല്‍ക്കരിക്കപ്പെട്ട ജനതയുടെ വിമോചന സ്വപ്നങ്ങളും ഗോത്ര സംസ്‌കൃതിയുടെ കരുത്തും വിളംബരം ചെയ്യുന്ന സര്‍ഗോത്സവത്തിന് ശനിയാഴ്ച തിരശീല വീഴും. കാഞ്ഞങ്ങാട് ദുര്‍ഗ ഹയര്‍ സെക്കണ്ടറി സ്‌കൂളിലെ വേദികളെ കൗമാര പ്രതിഭകളുടെ സര്‍ഗശേഷി പ്രകടമാക്കിയ മത്സരങ്ങള്‍ സജീവമാക്കി. നാടകവും മിമിക്രിയും ഉള്‍പ്പെടെയുള്ള കലാമത്സരങ്ങള്‍ ഏറെ ശ്രദ്ധയമായി.

പാര്‍ശ്വവല്‍ക്കരിക്കപ്പെട്ട ജനതയുടെ വിമോചന സ്വപ്നങ്ങളും ഗോത്ര സംസ്‌കൃതിയുടെ കരുത്തും വിളംബരം ചെയ്യുന്ന സര്‍ഗോത്സവത്തിന് ശനിയാഴ്ച തിരശീല വീഴും

സംസ്ഥാനത്തെ പട്ടികവര്‍ഗ വികസന വകുപ്പിന് കീഴിലുള്ള മാതൃക സഹവാസ വിദ്യാലയങ്ങളിലേയും പ്രീമെട്രിക് പോസ്റ്റ് മെട്രിക് ഹോസ്റ്റലുകളിലേയും കൗമാര പ്രതിഭകളാണ് സര്‍ഗോത്സവത്തില്‍ മാറ്റുരക്കുന്നത്.

ശനിയാഴ്ച വൈകീട്ട് നാലിന് സമാപന സമ്മേളനം റവന്യു വകുപ്പ് മന്ത്രി ഇ.ചന്ദ്രശേഖരന്‍ ഉദ്ഘാടനം ചെയ്യും പി.കരുണാകരന്‍ എം പി ജില്ലാ പഞ്ചായത്ത് പ്രസിഡണ്ട് എ ജി സി ബഷീര്‍ എന്‍ എ നെല്ലിക്കുന്ന് എം എല്‍ എ ജില്ലാ കളക്ടര്‍ ജീവന്‍ ബാബു കെ, പട്ടികവര്‍ഗ വികസന വകുപ്പ് ഡയറക്ടര്‍ ഡോ.പി.പുഗഴേന്തി തുടങ്ങിയവര്‍ സംബന്ധിക്കും.