പച്ചക്കറി വില്‍പന നടത്തുന്ന പെട്ടിക്കട കത്തിനശിച്ചു

By Web Desk - MainNov 14, 2018, 17:04 IST

അമ്പലത്തറ:(www.kasargodvartha.com 14/11/2018) പച്ചക്കറി വില്‍പ്പന നടത്തുന്ന പെട്ടികടക്ക് തീപിടിച്ചു. പാണത്തൂര്‍ പള്ളിക്കാലിലെ ഷൗക്കത്തിന്റെ അമ്പലത്തറ മീങ്ങോത്ത് റോഡരികിലുള്ള പെട്ടികടക്കാണ് ചൊവ്വാഴ്ച രാത്രി 10.30 മണിയോടെ തീപിടിച്ചത്. പരിസരത്തുള്ളവര്‍ തീ പടരുന്നത് കണ്ട് ഉടന്‍ തന്നെ അമ്പലത്തറ പോലീസ് സ്റ്റേഷനില്‍ വിവരമറിയിക്കുകയായിരുന്നു.

പിന്നീട് ഫയര്‍ഫോഴ്സ് സ്ഥലത്തെത്തി തീയണക്കുകയായിരുന്നു. തീ പിടിച്ചതിന്റെ കാരണം അറിയില്ലെന്ന് പറയുന്നു. ഷൗക്കത്തിന്റെ പരാതിയില്‍ 50,000 രൂപയുടെ നഷ്ടം സംഭവിച്ചതായി പറയുന്നു.