പച്ചക്കറി വളര്‍ത്തലിലും മത്സരം; പെരുമ്പയിന്‍സിന്റെ പച്ചക്കറി ഗ്രാമത്തില്‍ വിളഞ്ഞത് നൂറുമേനി

By Web Desk - MainFeb 2, 2019, 22:42 IST

പയ്യന്നൂര്‍: (www.kasargodvartha.com 02.02.2019) 2014 ല്‍ 100 പേരുടെ വാട്സ്ആപ്പ് ഗ്രൂപ്പായി തുടങ്ങിയ പെരുമ്പിയന്‍സ് വാട്സ്ആപ്പ് ഗ്രൂപ്പിന്റെ പച്ചക്കറി കൃഷിയില്‍ നൂറുമേനി വിളവ്. ജീവകാരുണ്യ പ്രവര്‍ത്തനങ്ങള്‍ക്കൊപ്പം അഞ്ച് വര്‍ഷം പിന്നിടുന്ന ഈ കൂട്ടായ്മ വീട്ടമ്മമാര്‍ക്കായി നടപ്പാക്കിയ പച്ചക്കറി ഗ്രാമമെന്ന പദ്ധതിയിലാണ് മികച്ച വിളവ് ലഭിച്ചത്.

പെരുമ്പയിലെ 150 കുടുംബങ്ങള്‍ക്ക് 20 വീതം ഗ്രോബാഗുകളും വളവും വിത്തുകളും നല്‍കി പച്ചക്കറികൃഷി മത്സരമൊരുക്കിയാണ് പെരുമ്പയിന്‍സ് ഈ നേട്ടം കൊയ്തത്. വെണ്ട, തക്കാളി, വഴുതിന, പച്ചമുളക് എന്നിവ ഗ്രോബാഗില്‍ കൃഷി ചെയ്യാനും പയര്‍ വിത്തുകള്‍ വീട്ടുവളപ്പില്‍ നട്ടുവളര്‍ത്താനുമാണ് നല്‍കിയത്. വിളവെടുപ്പുത്സവം ജില്ലാ പഞ്ചായത്ത് വൈസ് പ്രസിഡന്റ് പി.പി. ദിവ്യയാണ് നിര്‍വ്വഹിച്ചത്.