പ­വര്‍­ക­ട്ട് സ­മയ­ത്ത് വ­ന്ന വ്യാജ രോ­ഗി ഡോ­ക്ട­റു­ടെ കാല്‍ല­ക്ഷം ക­വര്‍ന്നു

കുമ്പ­ള: പ­വര്‍കട്ട് സമയത്ത് വയറുവേദന അഭിനയി­ച്ച് ഡോ­ക്ട­റു­ടെ അ­ടു­ക്ക­ലെത്തി­യ വ്യാജ രോ­ഗിയാ­യ യു­വാവ് ഡോക്ടറുടെ 23,000 രൂപ അടങ്ങിയ ബാ­ഗ് ക­വര്‍­ന്നു.

വെ­ള്ളി­യാഴ്ച രാ­ത്രി 7.30 മണി­യോടെയാണ് സംഭവം. കു­മ്പള ടെമ്പിള്‍ റോഡിലെ ശ്രീ ഗോപാലകൃഷ്­ണ ക്ലി­നി­ക്കിലെ ഡോ. കൃഷ്ണ ഗട്ടിയുടെ പണവും തിരിച്ചറിയല്‍ കാര്‍ഡുമടങ്ങിയ ബാഗാണ് കവര്‍ന്നത്. വയറുവേ­ദ­ന­ അ­ഭി­ന­യി­ച്ചെത്തിയ യുവാവി­ന് ഡോക്ടര്‍ മരുന്ന് കുറിച്ചുനല്‍കിയിരുന്നു. 100 രൂപ ഫീ­സായും നല്‍കി. ഫീ­സ് ക­ഴിച്ച് ബാക്കി തിരിച്ചുനല്‍കാന്‍ അകത്തുപോയ ഡോക്ടര്‍ ബാഗുമായാണ് മടങ്ങിയത്. ബാഗില്‍ നിന്ന് പണം നല്‍­കുമ്പോള്‍ കൂടു­തല്‍ തുക യുവാവ് കണ്ടിരുന്നു.

വയറുവേദന സഹിക്കാന്‍ പറ്റുന്നില്ലെന്നും ശമനത്തിന് പെട്ടെന്ന് കഴിക്കാന്‍ മരുന്ന് വേണമെന്നും യു­വാ­വ് ഇ­തി­നി­ട­യില്‍ ആവശ്യപ്പെട്ടു. മരുന്നെടുക്കാന്‍ വീണ്ടും ഡോക്ടര്‍ അ­കത്തു­പോ­യ­പ്പോള്‍ മേ­ശ­യ്­ക്കു മു­ക­ളില്‍ വെ­ച്ചി­രു­ന്ന പ­ണം­ടങ്ങി­യ ബാ­ഗു­മാ­യി യുവാ­വ് ക­ന്നു­ക­ളയുകയായിരുന്നു. ക്ലിനിക്കിന് മുന്നില്‍വെ­ച്ച സ്വ­ന്തം ബൈക്കിലാ­ണ് യു­വാ­വ് ര­ക്ഷ­പ്പെട്ടത്. ഡോക്ടറുടെ പരാതിയില്‍ കു­മ്പള പൊലീസ് അന്വേ­ഷ­ണം ആ­രം­ഭിച്ചു.

Keywords:  Doctor, Theft, Kumbala, Youth, Bike, Fees, Kasaragod, Bag, Dr. Krishna Gatty, Police, Case