നാടും നഗരവും പട്ടിപ്പേടിയില്‍; പാല്‍ വാങ്ങാന്‍ പോയ വിദ്യാര്‍ത്ഥിയെ നായ കടിച്ചുകീറി

കാസര്‍കോട്: (www.kasargodvartha.com 20.05.2014) നാടും,നഗരവും പട്ടിപേടിയില്‍. പാല്‍ വാങ്ങാന്‍ പോയ വിദ്യാര്‍ത്ഥിയെ പട്ടി കടിച്ചു കീറി. കാസര്‍കോട് ബേള പെരിയടുക്കയിലെ വില്‍സണ്‍ ശിരിത്ത് ഡിസൂസയെയാണ് (13) ചൊവ്വാഴ്ച രാവിലെ പാല്‍ വാങ്ങാന്‍ പോകുമ്പോള്‍ ഒരു വീട്ടില്‍ വളര്‍ത്തുന്ന നായ കടിച്ചു കീറിയത്. കാസര്‍കോടി നവോദയ സ്‌കൂളിലെ എട്ടാം ക്ലാസ് വിദ്യാര്‍ത്ഥിയാണ് ശിരിത്ത്. കൈക്കും മുഖത്തും പരിക്കേറ്റ വിദ്യര്‍ത്ഥിയെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

ദേളി, ബേനൂര്‍, പെരുമ്പള, തളങ്കര, സിറാമിക്‌സ് റോഡ്, ഉളിയത്തടുക്ക, കമ്പാര്‍ തുടങ്ങിയ ഭാഗങ്ങളില്‍ തെരുവു നായ ശല്യം രൂക്ഷമാണ്. കുട്ടികളെ മദ്രസകളിലേക്കും സ്‌കൂളുകളിലേക്കും അംഗണ്‍വാടികളിലേക്കും വിടാന്‍ പേലും രക്ഷിതാക്കള്‍ ഭയക്കുന്നു. നായ ശല്യം പരിഹരിക്കുന്നതിനുള്ള നടപടികളുടെ ഭാഗത്ത് നിന്നും ഉണ്ടാകുന്നില്ലെന്നാണ് പരാതി.