നാടിനെ കണ്ണീരിലാഴ്ത്തി ശിഹാബിന്റെ മരണം

മൊഗ്രാല്‍: (www.kasargodvartha.com 18.03.2020) പേരാല്‍ ലക്ഷംവീട് ഹൗസില്‍ പൊയ്യ മുഹമ്മദ് -ആസ്യമ്മ ദമ്പതികളുടെ മകന്‍ ശിഹാബിന്റെ (35) മരണം നാടിനെ കണ്ണീരിലാഴ്ത്തി. നാല് വര്‍ഷത്തോളം ദുബൈയിലായിരുന്ന ശിഹാബ് നടുവേദനയെ തുടര്‍ന്ന് രണ്ടു മാസം മുമ്പാണ് നാട്ടിലെത്തിയത്. തുടര്‍ന്ന് മംഗളൂരുവില്‍ ശസ്ത്രക്രിയയ്ക്ക് വിധേയനായി വീട്ടില്‍ വിശ്രമത്തില്‍ കഴിഞ്ഞുവരികയായിരുന്നു. ബുധനാഴ്ച പുലര്‍ച്ചെയാണ് ഹൃദയാഘാതം മൂലം മരണപ്പെട്ടത്. യുവാവിന്റെ ആകസ്മിക മരണം ഇപ്പോഴും നാട്ടുകാര്‍ക്ക് വിശ്വസിക്കാനായിട്ടില്ല.

മൈമൂന്‍ നഗര്‍ സെലക്ടട് ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് അംഗമായിരുന്നു. കുഞ്ചത്തൂര്‍ സ്വദേശി ഇബ്രാഹിമിന്റെ മകള്‍ സാജിദയാണ് ഭാര്യ. എട്ട് വയസുള്ള ഹിബ ഏക മകളാണ്. സഹോദരങ്ങള്‍: റസാഖ്, സലീം, ഖാദര്‍, ഷാഹിന. മൃതദേഹം മൊഗ്രാല്‍ മൈമൂന്‍ നഗര്‍ ജുമാ മസ്ജിദ് ഖബര്‍സ്ഥാനില്‍ ഖബറടക്കി. ശിഹാബിന്റെ നിര്യാണത്തില്‍ മൊഗ്രാല്‍ ദേശീയവേദി അനുശോചിച്ചു.


Keywords:  Mogral, News, Kerala, Kasaragod, Death, Cardiac Attack, Youth, Shihab, Shihab no more < !- START disable copy paste -->