'ദേശിയ പാത 30 മീറ്ററില്‍ വികസിപ്പിക്കുക'

മഞ്ചേശ്വരം: ദേശിയ പാത 30 മീറ്ററില്‍ വികസിപ്പിക്കണമെന്ന് വെല്‍ഫെയര്‍ പാര്‍ട്ടി കാസര്‍കോട് ജില്ലാ പ്രസിഡന്റ് സി. അഹ്മദ് കുഞ്ഞി ആവശ്യപ്പെട്ടു. വികസനത്തിന്റെ പേര് പറഞ്ഞു ബി.ഒ.ടി. കമ്പനിക്ക് വേണ്ടി നിലകൊള്ളുന്ന ഭരണക്കാരും പ്രതിപക്ഷവും ജനഹിതം മാനിച്ചു ഈ തട്ടിപ്പില്‍ നിന്നും മാറി നിന്നില്ലെങ്കില്‍ കനത്ത വില നല്‍കേണ്ടി വരും. വെല്‍ഫെയര്‍ പാര്‍ട്ടി മഞ്ചേശ്വരം പഞ്ചായത്ത് കമ്മിറ്റി നടത്തിയ ദേശിയപാത സമര സായാഹ്നം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

പരിപാടിയില്‍ പഞ്ചായത്ത് കമ്മിറ്റി പ്രസിഡന്റ് അഹ്മദ് കുട്ടി അധ്യക്ഷത വഹിച്ചു. ജില്ലാ സെക്രട്ടറി പി. കെ. അബ്ദുല്ല, മണ്ഡലം പ്രസിഡന്റ് രവീന്ദ്ര ബ്രഹ്മേശ്വര്‍, സെക്രട്ടറി അബ്ദുല്‍ ലത്തീഫ് കുമ്പള, എന്‍.എച്ച്. ആക്ഷന്‍ കൗണ്‍സില്‍ ഉപ്പള ചെയര്‍മാന്‍ അബ്ദുല്‍ ഖാദര്‍ ഹാജി തുടങ്ങിയവര്‍ പ്രസംഗിച്ചു. ഫെലിക്‌സ് ഡിസൂസ സ്വാഗതവും ഹക്കീം ഉദ്യാവര്‍ നന്ദിയും പറഞ്ഞു.