ഡി വൈ എഫ് ഐ പ്രവര്‍ത്തകന്റെ പെട്ടിക്കട തീവെച്ച് നശിപ്പിച്ചു

By Web Desk SreNov 1, 2016, 11:30 IST

കുമ്പള: (www.kasargodvartha.com 01/11/2016) കുണ്ടങ്കാരടുക്കയില്‍ ഡി വൈ എഫ് ഐ പ്രവര്‍ത്തകന്റെ പെട്ടിക്കട തീവെച്ച് നശിപ്പിച്ചു. ഡി വൈ എഫ് ഐ യൂണിറ്റ് കമ്മിറ്റി അംഗം കുണ്ടങ്കരടുക്കയിലെ ആനന്ദന്റെ പെട്ടിക്കടയാണ് അഗ്‌നിക്കിരയാക്കിയത്. കടക്കകത്തുണ്ടായിരുന്ന ഗ്യാസ് സിലിണ്ടര്‍ മോഷണം പോയതായും കണ്ടെത്തി.

ചൊവ്വാഴ്ച പുലര്‍ച്ചെ സമീപവാസികളാണ് പെട്ടിക്കട കത്തുന്നത് കണ്ടത്. ഇതുസംബന്ധിച്ച് കുമ്പള പോലീസ് കേസെടുത്ത് അന്വേഷിച്ചുവരികയാണ്.