കുവൈത്ത് ഐ.എം.സി.സി ഭവന നിര്‍മാണ സഹായം നല്‍കുന്നു

ബേക്കല്‍: കുവൈത്ത് ഐ.എം.സി.സി യുടെ കാരുണ്യ പ്രവര്‍ത്തനങ്ങളുടെ ഭാഗമായി വര്‍ഷത്തില്‍ ഒരു പാവപെട്ട കുടുംബത്തിന് ഭവന നിര്‍മാണ സഹായം നല്‍കുന്ന പദ്ധതിക്ക് രൂപം നല്‍കി. ഈ വര്‍ഷം ജില്ലയില്‍ ചെര്‍ക്കളയിലെ അസീസ് പൊവ്വലിനു വീട് നല്‍കും.

സഹായധനത്തിന്റെ ആദ്യ ഗഡു ഐ.എന്‍.എല്‍. കാസര്‍കോട് ജില്ലാ പ്രസിഡന്റ് പി.എ. മുഹമ്മദ്കുഞ്ഞി ഹാജിയുടെ സാന്നിധ്യത്തില്‍ കുവൈത്ത് ഐ.എം.സി.സി പ്രോഗ്രാം കോര്‍ഡിനേറ്റര്‍ മൗവ്വല്‍ മുഹമ്മദ് മാമു ഐ.എന്‍.എല്‍.ജില്ലാ ജനറല്‍ സെക്രട്ടറി അസീസ് കടപ്പുറത്തിനു കൈമാറി.

നേതാക്കളായ എം.എ. ലത്വീഫ്, കപ്പണ മുഹമ്മദ് ഹാജി, ആമു ഹാജി മൗവ്വല്‍, ഷൗക്കത്ത് പൂച്ചക്കാട്, കെ.കെ. അബ്ദുല്‍ ഖാദര്‍, ഹംസ കുന്നില്‍, കെ.എം. കുഞ്ഞി, സാലിം ബി.കെ, മൊയ്തു ഹദ്ദാദ് നഗര്‍, കെ.എ. മുഹമ്മദ്കുഞ്ഞി, കെ.പി. താജുദ്ദീന്‍, എം.കെ. അബ്ദുല്ല, മുനീര്‍ മുഹമ്മദാജി, അഷ്‌റഫ് അബൂബക്കര്‍ തുടങ്ങിയവര്‍ സന്നിഹിതരായിരുന്നു.

Also Read: 
പെരുന്നാള്‍ ആഘോഷത്തില്‍ റോഡില്‍ പൊലിഞ്ഞത് 19 ജീവനുകള്‍