കുപ്രസിദ്ധ മോഷ്ടാവ് ചൊക്കന്റകത്ത് മുഹമ്മദ് അറസ്റ്റില്‍

കാസര്‍കോട്: വീട് കവര്‍ച്ചയടക്കം നിരവധി കേസുകളില്‍ പ്രതിയായ ചൊക്കന്റകത്ത് മുഹമ്മദ്(40) കാസര്‍കോട്ട് അറസ്റ്റിലായി. തളിപ്പറമ്പ് ചപ്പാരപ്പടവ് സ്വദേശിയായ മുഹമ്മദിനെ ഞായറാഴ്ച വൈകിട്ട് കാസര്‍കോട്ട് വെച്ച് എസ്.ഐ ടി.ഉത്തംദാസാണ് അറസ്റ്റ് ചെയ്തത്.

എം.ജി റോഡിലെ ഒരു മൊബൈല്‍ കടയില്‍ മോഷ്ടിച്ച മൊബൈല്‍ വില്‍ക്കാനെത്തിയപ്പോഴാണ് പിടിയിലായത്. മുഹമ്മദിന്റെ പെരുമാറ്റത്തില്‍ സംശയം തോന്നിയ കടയിലെ ജീവനക്കാര്‍ പോലീസിനെ വിവരമറിയിക്കുകയായിരുന്നു.

പോലീസിന്റെ ചോദ്യം ചെയ്യലില്‍ ഫോണ്‍ ഒരാഴ്ച മുമ്പ് ചെമ്മനാട്ട് നിന്നും മോഷ്ടിച്ചതാണെന്ന് സമ്മതിച്ചു. ചെമ്മനാട്ടെ ഒരു ക്വാര്‍ട്ടേഴ്‌സില്‍ താമസിച്ച് ബിരിയാണി തയാറാക്കി വില്‍പന നടത്തി വരികയായിരുന്നു. അതിനിടയിലാണ് മോഷണം നടത്തുന്നത്.

നിരവധി കവര്‍ച്ചാ കേസുകളില്‍ പ്രതിയായ ഇയാള്‍ അടുത്തിടെയാണ് ജയിലില്‍ നിന്നിറങ്ങിയത്. തളിപ്പറമ്പിലും ഇയാള്‍ക്കെതിരെ കേസുണ്ട്.

Also Read: 
ഇസ്രത്ത് ജഹാന്‍ കേസ്: പിപി പാണ്ഡയെ ആശുപത്രിയില്‍ പ്രവേശിപ്പിച്ചു

Keywords: Robber,Arrest, House-robbery, Case, Kasaragod, Mobile-Phone, Police, Chemnad, Jail, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.