കാലവര്‍ഷം; ഒരു വീട് കൂടി തകര്‍ന്നു, വീട്ടുകാര്‍ പുറത്തേക്കോടി രക്ഷപ്പെട്ടു

By Web Desk SNJul 6, 2017, 14:34 IST

ചേരങ്കൈ: (www.kasargodvartha.com 06.07.2017) കാലവര്‍ഷം ശക്തമായതോടെ ജില്ലയില്‍ ഒരു വീടു കൂടി തകര്‍ന്നു. ചേരങ്കൈയിലെ പരേതനായ മൊയ്തീന്‍ കുട്ടിയുടെ വീടാണ് തകര്‍ന്നത്. വ്യാഴാഴ്ച പുലര്‍ച്ചെ 4.30 മണിയോടെയാണ് സംഭവം. വീട്ടുകാര്‍ പുറത്തേക്കോടിയതിനാല്‍ ആളപായമുണ്ടായില്ല.

മൊയ്തീന്‍ കുട്ടിയുടെ ഭാര്യ നഫീസ, മക്കളായ മുനീര്‍ കണ്ടാളം, നാസര്‍ എന്നിവരാണ് വീട്ടിലുണ്ടായിരുന്നത്. മഴയില്‍ ഓടിട്ട വീടിന്റെ മേല്‍ക്കൂര തകര്‍ന്നു വീഴുകയായിരുന്നു. അഞ്ചു ലക്ഷം രൂപയുടെ നഷ്ടം കണക്കാക്കുന്നതായി വീട്ടുകാര്‍ പറഞ്ഞു.