എസ് പി സി ത്രിദിന ക്യാമ്പിന് തുടക്കമായി

ചെമ്മനാട്: (www.kasargodvartha.com 31/12/2016) ചെമ്മനാട് ജമാഅത്ത് ഹയര്‍ സെക്കന്‍ഡറി സ്‌കൂള്‍ എസ് പി സിയുടെ ത്രിദിന ക്യാമ്പിന് തുടക്കമായി. ചെമ്മനാട് പഞ്ചായത്ത് പ്രസിഡണ്ട് കല്ലട്ര അബ്ദുല്‍ ഖാദര്‍ ക്യാമ്പ് ഉദ്ഘാടനം ചെയ്തു. പിടിഎ പ്രസിഡണ്ട് എ ബി മുനീര്‍ അധ്യക്ഷത വഹിച്ചു. കാസര്‍കോട് ടൗണ്‍ സി ഐ അബ്ദുര്‍ റഹീം മുഖ്യാതിഥിയായി.

എസ് ഐ രജീഷ്, എസ് പി സി ജില്ലാ അസിസ്റ്റന്‍ഡ് നോഡല്‍ ഓഫീസര്‍ രവി, പിടിഎ വൈസ് പ്രസിഡണ്ട് മന്‍സൂര്‍ കുരിക്കള്‍, സി എല്‍ ഇഖ്ബാല്‍, എ സി പി ഒ സാവിത്രി ടീച്ചര്‍ തുടങ്ങിയവര്‍ പ്രസംഗിച്ചു. ജമാഅത്ത് സെക്രട്ടറി സി എച്ച് സാജു, സ്‌കൂള്‍ കമ്മിറ്റി കണ്‍വീനര്‍ പി എം അബ്ദുല്ല, നൗഷാദ് ആലിച്ചേരി, എ ബി അന്‍വര്‍ മാസ്റ്റര്‍, തുടങ്ങിയവര്‍ സംബന്ധിച്ചു. ഹെഡ്മാസ്റ്റര്‍ കെ ഒ രാജീവന്‍ സ്വാഗതവും സിപിഒ സി എല്‍ മുഹമ്മദ് യാസിര്‍ നന്ദിയും പറഞ്ഞു.

ഇന്ത്യന്‍ ഭരണഘടന അനുശാസിക്കുന്ന മൗലിക കടമകള്‍ എന്നീ വിഷയത്തില്‍ മാധ്യമ പ്രവര്‍ത്തകനായ ഷഫീഖ് നസറുല്ല ക്ലാസെടുത്തു. ക്യാമ്പ് രണ്ടിന് വൈകീട്ട് സമാപിക്കും.