കള്ളവോട്ട് ചെയ്യാൻ രാഷട്രീയ പാർട്ടി പ്രവർത്തകർ ഇത്തവണ ഒന്നു അറക്കും

കാസർകോട്: (www.kasargodvartha.com 13.12.2020) കണ്ണൂര്‍ - കാസര്‍കോട് ജില്ലകളില്‍ ഇത്തവണ കള്ളവോട്ട് ചെയ്യാൻ രാഷ്ട്രീയ പ്രവർത്തകർ ഒന്ന് അറക്കും. കഴിഞ്ഞ ലോകസഭാ തെരെഞ്ഞടുപ്പിൽ ഉണ്ടായ കള്ളവോട്ട് വിവാദവും കേസും പുകിലും രാഷ്ട്രീയ പാർട്ടികളെ ഓട്ടൊന്നുമില്ല പ്രതിസന്ധിയിലാക്കിയത്. കള്ളവോട്ട് ചെയ്തതിൻ്റെ പേരിൽ റീപ്പോളിംഗ് പോലും നടത്തി തെരെഞ്ഞെടുപ്പ് കമ്മീഷൻ രാഷ്ട്രീയ പാർട്ടികളെ ഞെട്ടിച്ചിരുന്നു.

കള്ളവോട്ട് തടയാന്‍ സ്വീകരിച്ച നടപടികള്‍ തെരഞ്ഞെടുപ്പ് കമ്മിഷന്‍ ഹൈക്കോടതിയെ കഴിഞ്ഞ ദിവസം അറിയിച്ചിട്ടുണ്ട്. ഇലക്ട്രോണിക് വോട്ടിംഗ് മെഷീനുകള്‍ വരും മുമ്പ് കണ്ണൂർ - കാസർകോട് ജില്ലകളിൽ വ്യാപക കളളവോട്ടുകള്‍ നടന്നിരുന്നു. അതിന് ശേഷവും കള്ളവോട്ട് നടന്നുവെങ്കിലും കഴിഞ്ഞ ലോകസഭാ തെരെഞ്ഞടുപ്പോടെ കള്ളവോട്ട് നിരക്ഷണം കമ്മീഷൻ കർശനമാക്കിയിട്ടുണ്ട്.