പയ്യന്നൂര്‍ നൗഫല്‍ വധം: കാസര്‍കോട് സ്വദേശികളായ മൂന്നു പേരുടെ അറസ്റ്റ് ഉടന്‍

പയ്യന്നൂര്‍: (www.kasargodvartha.com 25.12.2017) പയ്യന്നൂര്‍ റെയില്‍വേ സ്റ്റേഷന് സമീപം യുവാവിനെ കൊല്ലപ്പെട്ട നിലയില്‍ കണ്ടെത്തിയ സംഭവത്തില്‍ പ്രതികളായ കാസര്‍കോട് സ്വദേശികളായ മൂന്നു പേരുടെ അറസ്റ്റ് ഉടനുണ്ടാകുമെന്ന് വിവരം. ചൊവ്വാഴ്ചയോടെ പ്രതികളെ അറസ്റ്റു ചെയ്യാന്‍ കഴിയുമെന്ന പ്രതീക്ഷയിലാണ് അന്വേഷണ സംഘം.

പയ്യന്നൂര്‍ റെയില്‍വേ സ്റ്റേഷനിലെ പാര്‍സല്‍ ഗേറ്റിനരികില്‍ കണ്ണൂര്‍ താഴെചൊവ്വ തിലാന്നൂരിലെ നൗഫലിനെയാണ് ഡിസംബര്‍ ഒമ്പതിന് കൊല്ലപ്പെട്ട നിലയില്‍ കണ്ടെത്തിയത്. സംഭവത്തില്‍ പയ്യന്നൂര്‍ പോലീസ് കേസെടുത്ത് അന്വേഷണം നടത്തിവരുന്നതിനിടയില്‍ കൊല ചെയ്തത് ചെറുവത്തൂര്‍ സ്വദേശികളായ മൂന്നംഗ ഗുണ്ടാ സംഘമാണെന്ന് സൂചന ലഭിച്ചത്. പണമിടപാടുമായി ബന്ധപ്പെട്ട പ്രശ്‌നമാണ് കൊലപാതകത്തില്‍ കലാശിച്ചതെന്നാണ് വിവരം.

തളിപ്പറമ്പ് ഡിവൈഎസ്പി കെ.വി വേണുഗോപാലന്റെ മേല്‍നോട്ടത്തില്‍ പയ്യന്നൂര്‍ സി ഐ എം പി ആസാദാണ് കേസ് അന്വേഷിക്കുന്നത്.
< !- START disable copy paste -->