വനം വകുപ്പുദ്യോഗസ്ഥര്‍ ചമഞ്ഞ് കാല്‍ക്കോടി രൂപ തട്ടിയ യുവാവ് അറസ്റ്റില്‍

കാസര്‍കോട്: വനംവകുപ്പുദ്യോഗസ്ഥന്‍ ചമഞ്ഞ് കാല്‍ക്കോടി രൂപയുടെ തട്ടിപ്പ് നടത്തിയ യുവാവിനെ പോലീസ് അറസ്റ്റ് ചെയ്തു. കണ്ണൂര്‍ ചിറയ്ക്കല്‍ ജീജാ നിവാസിലെ എം മനോജി(32) നെയാണ് തളിപ്പറമ്പ് എസ്.ഐ അനില്‍കുമാര്‍ അറസ്റ്റ് ചെയ്തത്. കാസര്‍കോട്, കണ്ണൂര്‍ സ്വദേശികളില്‍ നിന്നാണ് മനോജ് തട്ടിപ്പ് നടത്തിയത്.

തളിപ്പറമ്പ് മംഗലപുരത്തെ കെ.വി.ബാലകൃഷ്ണന്റെ പരാതിയിലാണ് അറസ്റ്റ്. മത്സ്യ വില്‍പനക്കാരനായ മഹ്മൂദ് മുഖേനയാണ് വനംവകുപ്പുദ്യോഗസ്ഥന്‍ ചമഞ്ഞ് നടക്കുകയായിരുന്ന മനോജിനെ താന്‍ പരിചയപ്പെട്ടതെന്ന് ബാലകൃഷ്ണന്‍ തളിപ്പറമ്പ് പോലീസില്‍ നല്‍കിയ പരാതിയില്‍ പറഞ്ഞു.

വീടുപണിക്കായി മരം ആവശ്യമുണ്ടെന്ന് അറിയിച്ചപ്പോള്‍ അത് തരപ്പെടുത്തി
തരാമെന്നേറ്റ് മനോജ് 1.10 ലക്ഷം രൂപ വാങ്ങിയെന്നാണ് ബാലകൃഷ്ണന്റെ പരാതി. എന്നാല്‍ പിന്നീട് ഒഴിഞ്ഞുമാറിയപ്പോഴാണ് തട്ടിപ്പ് വ്യക്തമായത്. തുടര്‍ന്ന് പോലീസില്‍ പരാതി നല്‍കുകയായിരുന്നു. മനോജിനെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് മറ്റ് തട്ടിപ്പുകളുടെ വിവരങ്ങള്‍ പുറത്തുവന്നത്.

വളപട്ടണത്തെ ഷഫീഖിന്റെ വീട്ടില്‍ നിന്നും നാലു ലക്ഷവും തളിപ്പറമ്പിലെ ഒരാളില്‍ നിന്നും ഏഴര ലക്ഷവും മനോജ് വാങ്ങിയതായി പോലീസ് കണ്ടെത്തി.


Advertisement:

  മലബാറില്‍ ആദ്യമായി സിമുലേറ്ററിന്റെ സഹായത്തോടെ ഡ്രൈവിംഗ് പരിശീലനം Call: 9400003096 കാസര്‍കോട് ആദ്യമായി മൊബൈല്‍ കാര്‍ വാഷ് യൂണിറ്റ് . വിവരങ്ങള്‍ക്ക് വിളിക്കുക: 9539447444/ 8139875333/ 8139865333 വൈദ്യുതി മുടക്കമോ? ഉയര്‍ന്ന നിലവാരത്തിലുള്ള ഇന്‍വേര്‍ട്ടറുകളും ബാറ്ററിയും.... വിളിക്കുക: +91 944 60 90 752 കറന്റ് ബില്ല് ഷോക്കടിപ്പിച്ചോ? വൈദ്യുതി ലാഭിക്കാം..വിളിക്കുക: +91 944 60 90 752