ഡി വൈ എസ് പിയെയും പോലീസിനെയും നിരന്തരം ഫേസ്ബുക്കിലൂടെ അപകീര്‍ത്തിപ്പെടുത്തുന്ന യുവാവിനെതിരെ കേസെടുത്തു; അപകീര്‍ത്തി പെണ്‍കുട്ടിയെ ശല്യപ്പെടുത്തിയെന്ന പരാതിയില്‍ വിളിച്ചുവരുത്തി ചോദ്യം ചെയ്തതിന്റെ വിരോധത്തില്‍

By Web Desk - MainMay 10, 2019, 08:44 IST

കണ്ണൂര്‍: (www.kasargodvartha.com 10.05.2019) ഡി വൈ എസ് പിയെയും പോലീസിനെയും നിരന്തരം ഫേസ്ബുക്കിലൂടെ അപകീര്‍ത്തിപ്പെടുത്തുന്ന യുവാവിനെതിരെ കേസെടുത്തു. ഷനില്‍ ഷാനു എന്നയാള്‍ക്കെതിരെയാണ് ടാണ്‍ പോലീസ് കേസെടുത്തത്. പെണ്‍കുട്ടിയെ ശല്യപ്പെടുത്തിയെന്ന പരാതിയില്‍ 2018 ഡിസംബര്‍ 12ന് അന്ന് കണ്ണൂര്‍ ഡി വൈ എസ് പിയായിരുന്ന സദാനന്ദന്‍ ഷനില്‍ ഷാനുവിനെ വിളിച്ചുവരുത്തി ചോദ്യം ചെയ്തിരുന്നു.

അതിനുശേഷം നിരന്തരമായി സദാനന്ദനും കേരള പോലീസിനുമെതിരെ ഫേസ്ബുക്ക് പോസ്റ്റിട്ടതിന് ഐ.ടി.ആക്ട് പ്രകാരമാണ് കേസെടുത്തത്. പ്രതിയെ കണ്ടെത്താന്‍ പോലീസ് ശ്രമം തുടങ്ങി.