മദ്യപിച്ചു കേട്ടാലറയ്ക്കുന്ന തെറിപറയുന്നുവെന്ന് ദമ്പതികളുടെ പരാതി; വനിതാ കമ്മിഷന്‍ വിളിപ്പിച്ചപ്പോഴും ലഹരി വിടാതെ യുവാവ്

By WebDesk OmegaAug 3, 2019, 10:50 IST

കണ്ണൂര്‍: (www.kasargodvartha.com 03.08.2019) മദ്യപിച്ചു കേട്ടാലറയ്ക്കുന്ന തെറിപറയുന്നുവെന്ന് ദമ്പതികളുടെ പരാതിയില്‍ വനിതാ കമ്മീഷന്‍ വിളിപ്പിച്ചപ്പോഴും യുവാവ് മദ്യ ലഹരിയില്‍. കേസ് പരിഗണിക്കുന്നതിനിടയില്‍ യുവാവ് കമ്മിഷനോടും തര്‍ക്കുത്തരം പറയാന്‍ തുടങ്ങിയപ്പോള്‍ പോലീസിനെ വിളിപ്പിച്ചു.

പോലീസ് ഓഡിറ്റോറിയത്തിന് പുറത്തേക്കു വിളിച്ച് പോലീസ് കൈകാര്യം ചെയ്തതോടെ യുവാവ് സ്ഥലം വിട്ടു. വനിതാ കമ്മിഷന്‍ അദാലത്തിനിടെ വെള്ളിയാഴ്ച ഉച്ചയ്ക്കു പന്ത്രണ്ടോടെയാണ് സംഭവം. കൊട്ടിയൂര്‍ സ്വദേശികളായ ദമ്പതികളുടെ പരാതിയിലാണ് ഇയാളെ വിളിപ്പിച്ചത്. അയല്‍വാസിയായ ഇയാള്‍ വീട്ടിലേക്കുള്ള വഴി തടസ്സപ്പെടുത്തിയെന്നും പരാതിയിലുണ്ട്.