കെ സുധാകരന്റെ പ്രചരണ ബോര്‍ഡ് തെങ്ങില്‍ കെട്ടിയതിന് കല്യാണ വീട്ടിലെ അലങ്കരിച്ച മതിലിനു നേരെ കരി ഓയില്‍ പ്രയോഗം

By Web Desk - MainMar 31, 2019, 15:40 IST

കണ്ണൂര്‍: (www.kasargodvartha.com 31.03.2019) കെ സുധാകരന്റെ പ്രചരണ ബോര്‍ഡ് തെങ്ങില്‍ കെട്ടിയതിന് കല്യാണ വീട്ടിലെ അലങ്കരിച്ച മതിലിനു നേരെ കരി ഓയില്‍ പ്രയോഗം. മാലൂര്‍ പഞ്ചായത്തിലെ ശിവപുരം വെള്ളിലോട് ഹസൈനാര്‍ ഹാജിയുടെ വീട്ടുമതിലിനാണ് അജ്ഞാതര്‍ കരിഓയില്‍ ഒഴിച്ച് വികൃതമാക്കിയത്.

അക്രമത്തിനു പിന്നില്‍ സി പി എമ്മാണെന്ന് യു ഡി എഫ് ആരോപിച്ചു. സംഭവം സംബന്ധിച്ച് വീട്ടുകാര്‍ തിരഞ്ഞെടുപ്പ് കമ്മിഷനും പൊലീസ് മേധാവിക്കും പരാതി നല്‍കിയിട്ടുണ്ട്.