ബൈക്ക് മോഷ്ടാവ് മോഷ്ടിച്ച ബൈക്കുമായി അറസ്റ്റില്‍

By Web Desk - MainAug 11, 2018, 11:47 IST

കണ്ണൂര്‍: (www.kasargodvartha.com 11.08.2018) ബൈക്ക് മോഷ്ടാവിനെ മോഷ്ടിച്ച ബൈക്കുമായി പോലീസ് അറസ്റ്റു ചെയ്തു. രാജസ്ഥാന്‍ സ്വദേശി ഉമൈസിനെ (24)യാണ് കണ്ണൂര്‍ ടൗണ്‍ പോലീസ് മോഷ്ടിച്ച ബൈക്ക് സഹിതം അറസ്റ്റ് ചെയ്തത്. പൂതപ്പാറയിലെ മുഹമ്മദിന്റെ ബൈക്കാണ് ഉമൈസ് മോഷ്ടിച്ചു കടത്താന്‍ ശ്രമിച്ചത്.

പൊടിക്കുണ്ട് റോഡ് അരികില്‍ നിര്‍ത്തിയിട്ട വാഹനം ഉമൈസ് മോഷ്ടിച്ചു കൊണ്ടുപോവുകയായിരുന്നു. സമീപത്തെ കടകളിലെ സിസിടിവി പരിശോധിച്ചപ്പോഴാണ് മോഷ്ടാവിനെ തിരിച്ചറിഞ്ഞത്. കഴിഞ്ഞ ദിവസം കാല്‍ടെക്‌സിനു സമീപം വെച്ചാണ് പ്രതി പോലീസ് പിടിയിലായത്.