ഹജ്ജ് അതിവിശുദ്ധമായ അനുഷ്ടാനം: ഖാസി

കാഞ്ഞങ്ങാട്: വിശുദ്ധമായ സ്ഥലത്ത് വിശുദ്ധമായ വസ്തുക്കളാല്‍ വിശുദ്ധകരങ്ങള്‍ കൊണ്ട് നിര്‍മ്മിച്ച ദേവാലയത്തിലേക്ക് വിശുദ്ധനായ പ്രവര്‍ത്തകന്റെ വിളിക്കുത്തരം നല്‍കി ഹൃദയ വിശുദ്ധിയുള്ളവര്‍ക്ക് മാത്രം സാധ്യമാകുന്ന അനുഷ്ടാനമാണ് വിശുദ്ധ ഹജ്ജ് കര്‍മ്മമെന്ന് കാഞ്ഞങ്ങാട് സംയുക്ത മുസ്ലീം ജമാഅത്ത് ഖാസി സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പ്രസ്താവിച്ചു. പൂര്‍വ്വ പ്രവാചകന്മാര്‍ അനുഷ്ടിച്ച വിശുദ്ധി വീണ്ടെടുക്കുകയാണ് ഹജ്ജിന്റെ ലക്ഷ്യമെന്നദ്ദേഹം പറഞ്ഞു. സമുദായ നന്മയ്ക്കുവേണ്ടി നിലകൊള്ളുന്ന സംഘടനകള്‍ക്കും, പ്രവര്‍ത്തകര്‍ക്കും രാജ്യത്തിനും, സമുദായ സൗഹാര്‍ദ്ദത്തിനും വേണ്ടി എല്ലാ ഹാജിമാരും പ്രാര്‍ത്ഥിക്കണമെന്ന് അദ്ദേഹം ആഹ്വാനം ചെയ്തു.