മാലിന്യപ്രശ്‌നം: നാട്ടുകാര്‍ ബുദ്ധിമുട്ടുന്നു

കാഞ്ഞങ്ങാട്: ചേറ്റുകുണ്ട്-കീക്കാന്‍ കുന്നത്ത് കടവ് മുക്കൂട് പാലത്തിന് സമീപം അറവ് ശാലകളിലെ അവശിഷ്ടങ്ങള്‍ വലിച്ചെറിയുന്നത് മൂലം ദുര്‍ഗന്ധം രൂക്ഷം. സമീപ പ്രദേശങ്ങളിലെ നൂറിലധികം വീടുകളിലെ താമസക്കാര്‍ ഇതുമൂലം വിഷമിക്കുകയാണ്. പ്രദേശത്തെ കുട്ടികളും, വൃദ്ധന്മാരും ഉള്‍പെടെ നിരവധിപേര്‍ ഛര്‍ദി-അതിസാരം ബാധിച്ച് ചികിത്സയില്‍ കഴിയുകയാണ്.

ലൈസന്‍സില്ലാതെ പ്രവര്‍ത്തിക്കുന്ന അറവുശാലകളില്‍ നിന്നാണ് സ്ഥിരമായി മാലിന്യാവശിഷ്ടങ്ങള്‍ വലിച്ചെറിയുന്നതെന്ന് നാട്ടുകാര്‍ പറയുന്നു. അധികൃതര്‍ക്ക് പരാതി നല്‍കിയെങ്കിലും യാതൊരു നടപടിയും ഇതുവരെ ഉണ്ടായിട്ടില്ല.

ഇപ്പോള്‍ ചിത്താരി പാലത്തിന്റെ പണി നടക്കുന്നതിനാല്‍ വെള്ളം കെട്ടിക്കിടക്കുന്നുണ്ട്. മാലിന്യങ്ങള്‍ ഇത് മൂലം അടിഞ്ഞ് കൂടുമ്പോള്‍ പരിസ്ഥിതി പ്രശ്‌നങ്ങളുണ്ടാകാനും സാധ്യതയേറുന്നു. ഇക്കാര്യത്തില്‍ ആവശ്യമായ നടപടി അധികൃതര്‍ സ്വീകരിച്ചില്ലെങ്കില്‍ പ്രക്ഷോഭ പരിപാടിയുമായി മുന്നോട്ട് പോകുമെന്ന് നാട്ടുകാര്‍ മുന്നറിയിപ്പ് നല്‍കി.

Keywords: Kerala, Kasaragod, Kanhangad, Wastage, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.