കാഞ്ഞിരപ്പൊയില്‍ സ്‌കൂളിലെ മുഴുവന്‍ കുട്ടികള്‍­ക്കും പച്ചക്കറി­വി­ത്തുകള്‍

കാഞ്ഞിരപ്പൊ­യില്‍: കേ­ര­ള കൃഷി വകുപ്പ് നടപ്പിലാക്കുന്ന സമഗ്ര പച്ച­ക്ക­റികൃഷി വികസന പദ്ധതിയുടെ ഭാഗമായി മടി­ക്കൈ കൃഷിഭവന്റെ നേതൃത്വത്തില്‍ കാഞ്ഞിരപ്പൊയില്‍ ഗവ:യു.പി.സ്‌കൂളിലെ മുഴുവന്‍ കുട്ടികള്‍­ക്കും സൗജന്യമായി പച്ചക്കറിവിത്ത് കിറ്റുകള്‍ വിതരണം ചെയ്തു.

മടിക്കൈ ഗ്രാമ പഞ്ചായത്ത് പ്രസി­ഡന്റ് പ്രീത.എസ് സ്‌കൂള്‍ ലീഡര്‍ ശ്രീരാജിനു നല്‍കിക്കൊണ്ട് കിറ്റുകളുടെ വിതരണോല്‍ഘാടനം നിര്‍വഹിച്ചു. ഗ്രാമപഞ്ചായത്ത് മെ­മ്പര്‍ ബി.കമലം ചടങ്ങില്‍ അധ്യക്ഷത വഹി­ച്ചു.

കൃഷി അസിസ്റ്റന്റ് എസ്.രമേഷ്‌കു­മാര്‍ പദ്ധതിയെക്കുറിച്ച് വിശദീകരണം നല്‍കി.പി.ടി.എ പ്രസിഡന്റ് എം.രാജന്‍,എം.പി.ടി.എ പ്രസിഡന്റ് സരിത മുടിക്കാനം, സ്‌കൂള്‍ സീനിയര്‍ അസിസ്റ്റന്റ് നന്ദകുമാര്‍ എ.സി.എന്നിവര്‍ സംസാരിച്ചു. പ്രധാനാധ്യാപകന്‍ കെ.നാരായണന്‍ സ്വാഗത­വും, സ്റ്റാഫ് സെക്രട്ടറി പി.വി.വിനോദ്കുമാര്‍ നന്ദിയും പറഞ്ഞു.