 |
| മീഡിയ പ്ളസ് പ്രസിദ്ധീകരിച്ച പെരുന്നാള് നിലാവിന്റെ പ്രകാശനം അല് ദാര് എക്സ്ചേഞ്ച് ഫൈനാന്സ് മാനേജര് സി. ഒ. തോമസിന് ആദ്യ പ്രതി നല്കി ഐഡിയല് ഇന്ത്യന് സ്ക്കൂള് പ്രസിഡ് എം. പി. ഹസന്കുഞ്ഞി നിര്വഹിക്കുന്നു |
ദോഹ: ആഘോഷങ്ങളും വിശേഷാവസരങ്ങളും സമൂഹത്തില് സ്നേഹവും സാഹോദര്യവും ഊട്ടിയുറപ്പിക്കുവാനും സാമൂഹ്യ സൗഹാര്ദ്ധം മെച്ചപ്പെടുത്തുവാനും സഹായകകരമാകണമെന്ന് ഐഡിയല് ഇന്ത്യന് സ്ക്കൂള് പ്രസിഡ് എം. പി. ഹസന്കുഞ്ഞി അഭിപ്രായപ്പെട്ടു. ഗുഡ് വേര്ഡ് ബുക്സ് ആന്റ് സര്വീസസ് ഹാളില് നടന്ന ചടങ്ങില് മീഡിയ പ്ളസ് പ്രസിദ്ധീകരിച്ച പെരുന്നാള് നിലാവ് പ്രകാശനം ചെയ്തു സംസാരിക്കുകയായിരുന്നു അദ്ദേഹം . പരിശുദ്ധ ഹജ്ജിനോടനുബന്ധിച്ച് ഈദാഘോഷം ആത്മീയമായും സാമൂഹികമായും ഒട്ടേറെ മാനങ്ങളുള്ളതാണ്. സ്നേഹത്തിന്റേയും സൗഹാര്ദ്ധത്തിന്റേയും സന്ദേശമാണ് ഈദ് ലോകത്തിന് നല്കുന്നത്. പ്രവാസി കൂട്ടായ്മകളും കുടുംബസംഗമങ്ങളും ആഘോഷങ്ങളെ അര്ഥവത്താക്കുമെന്ന് അദ്ദേഹം പ്രത്യാശ പ്രകടിപ്പിച്ചു. അല് ദാര് എക്സ്ചേഞ്ച് ഫൈനാന്സ് മാനേജര് സി. ഒ. തോമസ് പെരുന്നാള് നിലാവിന്റെ ആദ്യ കോപ്പി ഏറ്റു വാങ്ങി.
ഐ. സി. സി. പ്രസിഡണ്ട് കെ. എം. വര്ഗീസ്, സൗദി ഹൈപ്പര്മാര്ക്കറ്റ് മാനേജിംഗ് ഡയറക്ടര് എന്. കെ. എം. മുസ്തഫ, എം. പി. ട്രേഡേര്സ് മാനേജിംഗ് ഡയറക്ടര് എം. പി. ഷാഫി ഹാജി, ആന്റി സ്മോക്കിംഗ് സൊസൈറ്റി ഗ്ളോബല് ചെയര്മാന് മുഹമ്മദുണ്ണി ഒളകര, എക്സിക്യൂട്ടീവ് ഡയറക്ടര് ഡേവിസ് എടക്കുളത്തൂര്, ഫരീദ ജ്വല്ലറി സി. ഇ. ഒ. റിയാസ് അബ്ദുറഹിമാന്, സള്ഫര് കെമിക്കല്സ് മാനേജിംഗ് ഡയറക്ടര് അഹ് മദ് തുണേരി , യൂണിയന് എഞ്ചിനീയറിംഗ് മാനേജിംഗ് ഡയറക്ടര് എ.ടി. ഉസ് മാന് എന്നിവര് സംസാരിച്ചു.
അക്കോണ് ഗ്രൂപ്പ് മാനേജിംഗ് ഡയറക്ടര് ശുക്കൂര് കിനാലൂര് അധ്യക്ഷത വഹിച്ചു. മീഡിയ പ്ളസ് സി. ഇ. ഒ. അമാനുല്ല വടക്കാങ്ങര സ്വാഗതവും മാഗസിന് ചീഫ് കോര്ഡിനേറ്റര് അബ്ദുല് ഫത്താഹ് നിലമ്പൂര് നന്ദിയും പറഞ്ഞു.
Keywords: Perunal-Nilavu, Release, Doha, Gulf, Kasaragod
