ടി.സി.എഫ് ക്രിക്കറ്റ് ടൂര്‍ണമെന്റ് ട്രോഫികള്‍ റിലീസ് ചെയ്തു

ജിദ്ദ: മാര്‍ച്ച് 21നു ആരംഭിക്കുന്ന ആറാമത് ടി.സി.എഫ് ക്രിക്കറ്റ് ടൂര്‍ണമെന്റിന്റെ ട്രോഫികള്‍ റിലീസ് ചെയ്തു. ജിദ്ദയില്‍ ഇന്നലെ നടന്ന ചടങ്ങില്‍ ബൂപ വിന്നര്‍ ട്രോഫി ഇന്റര്‍നാഷണല്‍ ഇന്ത്യന്‍ സ്‌കൂള്‍ പ്രിന്‍സിപ്പല്‍ മസൂദ് അഹ്മദും, എഫ്.എസ്.എന്‍ റണ്ണേഴ്‌സ് ട്രോഫി ഇന്ത്യന്‍ സ്‌കൂള്‍ ഹെഡ്മാസ്റ്റര്‍ നൗഫലും അനാഛാദനം ചെയ്തു. മാച്ച് ഫിക്‌സറും ഇതോടനുംബന്ധിച്ച് പ്രകാശനം ചെയ്തു.  ചടങ്ങില്‍ ടീം ക്യാപ്റ്റന്മാരും, ജിദ്ദയിലെ പ്രമുഖ സംഘടനാ പ്രതിനിധികളും സംബന്ധിച്ചു.

ജിദ്ദയിലെ പ്രവാസികളുടെ ക്രിക്കറ്റ് ലോകകപ്പ് എന്ന പേരില്‍ അറിയപ്പെടുന്ന ടി.സി.എഫ് ക്രിക്കറ്റ് ടൂര്‍ണമെന്റ് മാർച്ച്‌ 21നു ബഗ്ദാദിയ ഗ്രൗണ്ടിലാണു നടക്കുക. 16 ടീമുകളാണു മത്സരത്തില്‍ പങ്കെടുക്കുന്നത്. ഇന്ത്യ, പാകിസ്താന്‍, ബംഗ്ലാദേശ്, ശ്രീലങ്ക എന്നീ രാജ്യങ്ങളില്‍ നിന്നുള്ള പ്രവാസികളാണ് മത്സര രംഗത്തുണ്ടാവുക. ഏപ്രില്‍ 11ന് ടൂര്‍ണമെന്റിന് തിരശീല വീഴും.