ധനകാര്യമന്ത്രി കെ.എം മാണിക്ക് ഒ.ഐ.സി.സി ദമ്മാം സോണ്‍ കമ്മിറ്റി നിവേദനം നല്‍കി

ദമ്മാം: സ്വകാര്യ സന്ദര്‍ശനത്തിനായി ദമ്മാമില്‍ എത്തിയ ധനകാര്യ വകുപ്പ് മന്ത്രി കെ.എം മാണിക്ക് ഒ.ഐ.സി.സി ദമ്മാം സോണ്‍ കമ്മിറ്റി നിവേദനം നല്‍കി. പ്രവാസികളുടെ മക്കള്‍ക്ക് ഉന്നത പഠനത്തിന് ഏര്‍പെടുത്തിയിരിക്കുന്ന അമിതമായ ഫീസ് പിന്‍വലിക്കണമെന്നും, പ്രവാസി പുനരധിവാസ പാക്കേജുകള്‍ക്കായി കൂടുതല്‍ തുക ബഡ്ജറ്റില്‍ വകയിരുത്തണമെന്നും, പ്രവാസി ബാങ്ക് ആരംഭിക്കുവാന്‍ അടിയന്തിര നടപടികള്‍ സ്വീകരിക്കണമെന്നും ഒ.ഐ.സി.സി ആവശ്യപെട്ടു.

പ്രവാസി പുനരധിവാസ നിര്‍ദേശങ്ങള്‍ അടങ്ങിയ വിശദമായ പഠന റിപോര്‍ട്ട് ഡിസംബറില്‍ മന്ത്രിക്ക് കൈമാറും. ഡിസംബറില്‍ ഒ.ഐ.സി.സി നേതാക്കളുമായി പ്രവാസികാര്യ വകുപ്പ് മന്ത്രി കെ.സി ജോസഫിന്റെ സാന്നിധ്യത്തില്‍ തിരുവനന്തപുരത്ത് ചര്‍ച്ച നടത്താമെന്നും കെ.എം മാണി ഒ.ഐ.സി.സി നേതാക്കള്‍ക്ക് ഉറപ്പു നല്‍കി.


ഒ.ഐ.സി.സി ദമ്മാം സോണ്‍ നേതാക്കളായ സി. അബ്ദുല്‍ ഹമീദ്, ബിജു കല്ലുമല, സുരേഷ് കുന്നം, മാത്യു ജോസഫ്, ഹമീദ് ചാലില്‍, രമേശ് പാലക്കാട്, സന്തോഷ് വിളയില്‍, നൈസാം കോട്ടയം, ജഗിമോന്‍ ജോസഫ്, നൗഷാദ് തഴവ, പ്രസാദ് ഇടുക്കി, സുമേഷ് കാട്ടില്‍, റഫീഖ് കൂട്ടിലങ്ങാടി, രാജു പള്ളിയത്ത്, ബിനു പുരുഷോത്തമന്‍, ബിനു ആന്റണി എന്നിവര്‍ മന്ത്രിയുമായി കൂടിക്കാഴ്ച നടത്തി.

ഒ.ഐ.സി.സി ദമ്മാം സോണ്‍ നേതാക്കള്‍ വിവിധ പ്രവാസി വിഷയങ്ങള്‍ ചര്‍ച്ച ചെയ്തു. ഒ.ഐ.സി.സി കോട്ടയം ജില്ലാ കമ്മിറ്റിയുടെ ഉപഹാരം സോണ്‍ എക്‌സിക്യൂട്ടീവ് മെമ്പറും ജില്ലാരക്ഷാധികാരിയുമായ ജഗിമോന്‍ ജോസഫ് മന്ത്രിക്കു സമര്‍പിച്ചു.

Also Read:  കൂട്ടബലാല്‍സംഗം ചെയ്ത് കിണറ്റിലെറിഞ്ഞ പെണ്‍കുട്ടിയെ രക്ഷപ്പെടുത്തി

Keywords : Dammam, OICC, visit, Gulf, Minister, KM Mani, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: