Join Whatsapp Group. Join now!
Aster MIMS 10/10/2023

Tea | ചായ കുടിച്ച ശേഷം വ്യായാമം ചെയ്യാമോ? ആരോഗ്യ വിദഗ്ധര്‍ പറയുന്നത് ഇങ്ങനെ

ധാരാളം വെള്ളം കുടിക്കണമെന്നും ഡോക്ടര്‍മാര്‍ Health Tips, Health, Lifestyle, Foods, Fennel Seeds
ന്യൂഡെല്‍ഹി: (KasargodVartha) ചായ കുടിച്ച് കൊണ്ട് ദിവസം ആരംഭിക്കുകയും ദിവസം മുഴുവന്‍ കുറഞ്ഞത് മൂന്ന് - നാല് കപ്പ് ചായയെങ്കിലും കുടിക്കുകയും ചെയ്യുന്ന ധാരാളം ചായപ്രേമികള്‍ നമുക്കിടയിലുണ്ട്. പലപ്പോഴും ഓഫീസുകളില്‍ ജോലി ചെയ്യുന്നവര്‍ ചായയ്ക്ക് അടിമയാകും. എന്നാല്‍ ചായ കുടിച്ചതിന് ശേഷം വ്യായാമം ചെയ്യാന്‍ കഴിയുമോ ഇല്ലയോ എന്ന സംശയം പലര്‍ക്കുമുണ്ട്.
    
Health Tips,

വ്യായാമത്തിന് മുമ്പ് ചായ കുടിക്കാമോ?

ഏകദേശം ഒരു മണിക്കൂര്‍ മുമ്പ് ചായ കുടിച്ചതിന് ശേഷം വര്‍ക്ക് ഔട്ട് ചെയ്യുന്നതില്‍ പ്രശ്നമൊന്നും ഉണ്ടാകില്ലെന്നും എന്നാല്‍ ആരോഗ്യം നിലനിര്‍ത്തണമെങ്കില്‍ വ്യായാമത്തിന് മുമ്പ് ചായ കുടിക്കുന്നതിന് പകരം ആരോഗ്യകരമായ ചില കാര്യങ്ങള്‍ കഴിക്കണമെന്നും ആരോഗ്യ വിദഗ്ധര്‍ പറയുന്നു. വര്‍ക്കൗട്ടിന് മുമ്പ് ആപ്പിള്‍, വാഴപ്പഴം, മാതളനാരകം, സപ്പോട്ട തുടങ്ങിയ പഴങ്ങള്‍ കഴിയ്ക്കാമെന്നും വ്യായാമത്തിന് അര മണിക്കൂര്‍ മുമ്പോ ഒരു മണിക്കൂര്‍ മുമ്പോ ധാരാളം വെള്ളം കുടിക്കണമെന്നും ഡോക്ടര്‍മാര്‍ നിര്‍ദേശിക്കുന്നു. സാധാരണ വെള്ളത്തിന് പകരം തേങ്ങാവെള്ളവും കുടിക്കാം. രാവിലെ തേങ്ങാവെള്ളം കുടിക്കുന്നത് ആരോഗ്യപരമായ പല ഗുണങ്ങളും നല്‍കുന്നു.

വ്യായാമത്തിന് മുമ്പ് ഏത് പാനീയം കുടിക്കാം?

നിങ്ങള്‍ക്ക് ചായയോട് താല്‍പ്പര്യമുണ്ടെങ്കില്‍, വ്യായാമത്തിന് മുമ്പ് പാല്‍ ചായയ്ക്ക് പകരം ആരോഗ്യകരമായ ചില ചായ ഓപ്ഷനുകള്‍ പരീക്ഷിക്കാം.

ഗ്രീന്‍ ടീ

വ്യായാമത്തിന് ഒരു മണിക്കൂര്‍ മുമ്പ് ഗ്രീന്‍ ടീ കുടിക്കാം, ഗ്രീന്‍ ടീയില്‍ ആന്റി ഓക്‌സിഡന്റുകള്‍ അടങ്ങിയിട്ടുണ്ട്, ഇത് നിങ്ങളുടെ മെറ്റബോളിസം മെച്ചപ്പെടുത്തുന്നു. ശരീരഭാരം കുറയ്ക്കാന്‍ നിങ്ങള്‍ വ്യായാമം ചെയ്യുകയാണെങ്കില്‍ ഗ്രീന്‍ ടീ ഒരു നല്ല ഓപ്ഷനാണ്. ഗ്രീന്‍ ടീയില്‍ ആരോഗ്യത്തിന് ധാരാളം ഗുണങ്ങളുണ്ട്.

കട്ടന്‍ ചായ

പാല്‍ ചായ കുടിക്കുന്നതിനുപകരം, വ്യായാമത്തിന് മുമ്പ് കട്ടന്‍ ചായ കുടിക്കാം. ഇതില്‍ പഞ്ചസാര ഉപയോഗിക്കുന്നില്ലെന്ന് ഓര്‍മിക്കുക. പഞ്ചസാരയില്ലാത്ത ബ്ലാക്ക് ടീ നിങ്ങളില്‍ ജലാംശം നിലനിര്‍ത്തുകയും വ്യായാമ വേളയില്‍ ഊര്‍ജ്ജസ്വലത അനുഭവപ്പെടുകയും ചെയ്യും. കട്ടന്‍ ചായയില്‍ നാരങ്ങയും ഉപയോഗിക്കാം.

ചമോമൈല്‍ ചായ

ചമോമൈല്‍ പൂക്കളില്‍ നിന്ന് ഉണ്ടാക്കുന്ന ചമോമൈല്‍ ടീ കുടിക്കുന്നത് ആരോഗ്യപരമായ പല ഗുണങ്ങളുമുണ്ട്. ഉണങ്ങിയ ചമോമൈല്‍ പൂക്കള്‍ നിങ്ങള്‍ക്ക് എളുപ്പത്തില്‍ വിപണിയില്‍ ലഭിക്കും, അതില്‍ നിന്ന് നിങ്ങള്‍ക്ക് വീട്ടില്‍ ഈ ചായ ഉണ്ടാക്കാം. ഇവയില്‍ ആന്റി ഓക്‌സിഡന്റുകള്‍ അടങ്ങിയിട്ടുണ്ട്, ഇത് ശരീരത്തില്‍ നല്ല സ്വാധീനം ചെലുത്തുന്നു.

Keywords: Health Tips, Health, Lifestyle, Foods, Fennel Seeds, Malayalam News, Malayalam Health Tips, Health Tips, Health News, Can I exercise after drinking tea?.
< !- START disable copy paste -->

Post a Comment