2019ലാണ് ഉസ്മാനെ ദുരൂഹ സാഹചര്യത്തില്‍ കാണാതായത്. ചീമേനിയില്‍ ഹോടെല്‍ നടത്തി വന്നിരുന്ന ഉസ്മാന്‍ കടബാധ്യതയെ തുടര്‍ന്നാണ് നാട് വിട്ടുപോയത്. എന്നാല്‍ ഉസ്മാനെ ആരെങ്കിലും അപായപ്പെടുത്തിയതാണോ എന്ന സംശയത്തില്‍ ബന്ധുക്കള്‍ പൊലീസ് തലത്തില്‍ നിരന്തരം പരാതിപ്പെട്ടതോടെ അന്വേഷണം കാസര്‍കോട് ക്രൈംബ്രാഞ്ചിനെ ഏല്‍പിക്കുകയായിരുന്നു.
ക്രൈംബ്രാഞ്ച് ഡിവൈഎസ്പി സതീഷ് ആലക്കല്ലിന്റെ നേതൃത്വത്തില്‍ നടത്തിയ സമര്‍ഥമായ അന്വേഷണത്തിലാണ് മഹാരാഷ്ട്രയിലെ കോലാപൂര്‍ ശിവാജിനഗര്‍ പൊലീസ് സ്റ്റേഷന്‍ പരിധിയില്‍ വെച്ച് അദ്ദേഹത്തെ കണ്ടെത്തിയത്. ഉസ്മാന്റെ തിരോധാനത്തിന് ശേഷം മകളുടെ വിവാഹം നടന്നെങ്കിലും ഉസ്മാന്‍ എത്തിയിരുന്നില്ല. ഉസ്മാനെ കണ്ടെത്തുന്ന കാര്യത്തില്‍ ചീമേനി പൊലീസ് കയ്യൊഴിഞ്ഞതോടെ ക്രൈംബ്രാഞ്ചിനെ അന്വേഷണം ഏല്‍പിക്കുകയായിരുന്നു. ക്രൈംബ്രാഞ്ച് ഒരു വെല്ലുവിളിയായി ഏറ്റെടുത്താണ് അന്വേഷണം മുംബൈയിലേക്ക് വരെ നീണ്ടത്.
Keywords: Kasaragod, Kerala, News, Top-Headlines, Missing, Police, Case, Complaint, Crime Branch, Investigation, Missing man found after 3 years.