Abdul Latheef Sa-adi | മതപ്രഭാഷണ വേദികളില്‍ നിറഞ്ഞുനിന്ന എന്‍ അബ്ദുല്ലത്വീഫ് സഅദി പഴശ്ശി അന്തരിച്ചു; വിട വാങ്ങിയത് പ്രമുഖ സുന്നീ നേതാവ്

കണ്ണൂര്‍: (www.kasargodvartha.com) പണ്ഡിതനും ഉജ്വല വാഗ്മിയുമായ എന്‍ അബ്ദുല്ലത്വീഫ് സഅദി പഴശ്ശി (56) അന്തരിച്ചു. പ്രമുഖ സുന്നീ നേതാവും കേരള മുസ്ലിം ജമാഅത് കണ്ണൂര്‍ ജില്ലാ വൈസ് പ്രസിഡണ്ടുമാണ്. കാസര്‍കോട്ടടക്കം വിവിധയിടങ്ങളില്‍ മതപ്രഭാഷണം നടത്തിയിട്ടുള്ള അദ്ദേഹം സ്വതസിദ്ധമായ ശൈലിയില്‍ പ്രസംഗങ്ങളിലൂടെ ജനമനസുകളില്‍ നിറഞ്ഞുനിന്ന വ്യക്തിത്വമാണ്.
                   
കെ എം ബശീറിന് നീതിതേടി സംസ്ഥാന വ്യാപകമായി കേരളം മുസ്ലിം ജമാഅത് സംഘടിപ്പിച്ച പ്രതിഷേധ പരിപാടികളുടെ ഭാഗമായി കണ്ണൂര്‍ ജില്ലാ കലക്ട്രേറ്റിലേക്ക് നടത്തിയ മാര്‍ചില്‍ പങ്കെടുത്ത് മടങ്ങിയ അബ്ദുല്ലത്വീഫ് സഅദി കുഴഞ്ഞുവീഴുകയായിരുന്നു. ഉടന്‍ കണ്ണൂര്‍ എ കെ ജി ആശുപത്രിയില്‍ പ്രവേശിപ്പിച്ചെങ്കിലും വൈകീട്ട് മൂന്നരയോടെയാണ് മരണപ്പെടുകയായിരുന്നു. പൊടുന്നന്നെയുള്ള അദ്ദേഹത്തിന്റെ മരണം ഏവരിലും ദുഃഖം പടര്‍ത്തി.