Teacher jailed | വിദ്യാര്‍ഥിനിയെ ലൈംഗികാതിക്രമത്തിനിരയാക്കിയെന്ന പരാതിയില്‍ കേന്ദ്രീയ വിദ്യാലയത്തിലെ കായികാധ്യാപകന് 8 വര്‍ഷം തടവും 50,000 രൂപ പിഴയും

തലശ്ശേരി: (www.kvartha.com) വിദ്യാര്‍ഥിനിയെ ലൈംഗികാതിക്രമത്തിനിരയാക്കിയെന്ന പരാതിയില്‍ അധ്യാപകനെ തടവിനും പിഴയ്ക്കും ശിക്ഷിച്ച് കോടതി. കണ്ണൂര്‍ കേന്ദ്രീയ വിദ്യാലയത്തിലെ കായികാധ്യാപകനായിരുന്ന ഏച്ചൂര്‍ സ്വദേശി എ പി മുരളിയെയാണ് (65) തലശ്ശേരി പോക്‌സോ കോടതി ജഡ്ജി സി ജി ഘോഷ ശിക്ഷിച്ചത്. 2017-ലാണ് കേസിനാസ്പദമായ സംഭവം നടന്നത്.

പോക്‌സോ നിയമത്തിലെ രണ്ടുവകുപ്പ് പ്രകാരം എട്ടുവര്‍ഷം തടവും 50,000 രൂപ പിഴയുമാണ് ഇയാളുടെ ശിക്ഷ. ലൈംഗികാതിക്രമം, വിദ്യാഭ്യാസസ്ഥാപനത്തില്‍ നിന്നുള്ള ലൈംഗികാതിക്രമം എന്നീ കുറ്റങ്ങള്‍ക്കാണ് ശിക്ഷ വിധിച്ചത്. പിഴയടച്ചില്ലെങ്കില്‍ രണ്ടുമാസംകൂടി തടവ് അനുഭവിക്കണം. പിഴയടച്ചാല്‍ തുക പെണ്‍കുട്ടിക്ക് നല്‍കണം.