കാസർകോട്ട് അത്യാധുനിക ഫുട്ബോൾ സ്റ്റേഡിയം വേണമെന്ന ആവശ്യം ശക്തമാവുന്നു;പരിശീലനത്തിന്റെ അപര്യാപ്തത ബാധിച്ച് പ്രതിഭകൾ

കാസർകോട്: (www.kasargodvartha.com 03.08.2021) മണ്ഡലത്തിൽ അത്യാധുനിക രീതിയിലുള്ള ഫുട്ബോൾ സ്റ്റേഡിയം സ്ഥാപിക്കണമെന്ന ആവശ്യം ശക്തമാവുന്നു. മികച്ച ഫുട്ബോൾ ഗ്രൗൻഡിന്റെ അഭാവം കായിക താരങ്ങളെ അലട്ടുകയാണ്. സാധാരണ ഗ്രൗൻഡുകളിൽ പരിശീലനം നടത്തിയതിന് ശേഷം മികച്ച ഗ്രൗൻഡുകളിൽ കളിക്കാൻ പോകുന്ന താരങ്ങൾക്ക് അവരുടെ മികവ് അവിടെ പുറത്തെടുക്കാൻ കഴിയാത്ത അവസ്ഥയാണുള്ളത്.

മികച്ച ഫുട്ബോൾ താരങ്ങൾ ഉയർന്നു വരുമ്പോൾ തന്നെ അതിനൊത്ത മികവാർന്ന മൈതാനങ്ങൾ കാസർകോട്ടില്ല. താരങ്ങളുടെ കായിക ക്ഷമതയ്ക്കും സുരക്ഷയ്ക്കും പുൽ മൈതാനങ്ങൾ ആവശ്യമാണ്. എന്നാൽ അത്തരം മൈതാനങ്ങൾ ഇവിടെയില്ല. മണ്ഡലത്തിൽ നിലവിലുള്ള മൈതാനങ്ങൾ വിവിധ ആവശ്യങ്ങൾക്ക് ഉപയോഗിക്കുന്നവയാണ്.