സ്പിരിറ്റ് കടത്തുന്നതിനിടെ അപകടം മണത്തു; തിരിച്ചു വരുമ്പോൾ പൊലീസിന്റെ മുന്നിൽ കുടുങ്ങി; മീൻ ലോറിയിൽ ഒളിപ്പിച്ച നിലയിൽ 2100 ലിറ്റർ സ്പിരിറ്റുമായി രണ്ട് പേർ അറസ്റ്റിൽ

ബേക്കല്‍: (www.kasargodvartha.com 16.06.2021) മീൻ വണ്ടിയിൽ 2,100 ലിറ്റർ സ്പിരിറ്റ് ഒളിപ്പിച്ചു കടത്താൻ ശ്രമിച്ച സംഭവത്തിൽ രണ്ടു പേർ അറസ്റ്റിലായി. മഞ്ചേശ്വരം പൊലീസ് സ്റ്റേഷൻ പരിധിയിലെ മുബാറക് (30), ഇമ്രാന്‍ (25) എന്നിവരാണ് പിടിയിലായത്. ബേക്കല്‍ ഡി വൈ എസ് പി കെഎം ബിജുവിൻ്റെയും എസ് ഐ കെപി അനില്‍ ബാബുവിൻ്റെയും നേതൃത്വത്തിലുള്ള പൊലീസ് സംഘമാണ് ഇവരെ പിടികൂടിയത്.

                                                                     

സ്പിരിറ്റ് കടത്താന്‍ ഉപയോഗിച്ച കെ എ 19 എഡി 2031 നമ്പര്‍ മീന്‍ ലോറിയും പിടിച്ചെടുത്തു. കര്‍ണാടകയിൽ നിന്ന് കോഴിക്കോട്ടേക്ക് കൊണ്ടുപോകാനുള്ള സ്പിരിറ്റായിരുന്നു ഇത്. ലോറി കണ്ണൂരിലെത്തിയപ്പോള്‍ അപകടം മണത്തതിനാൽ കര്‍ണാടകയിലേക്ക് തന്നെ തിരിച്ചു കൊണ്ടുപോകാൻ ഇവർക്ക് നിർദേശം ലഭിക്കുകയായിരുന്നു.