റോഡുകളുടെ പുനരുദ്ധാരണം: മഞ്ചേശ്വരം മണ്ഡലത്തിൽ 1.25 കോടിയുടെ ഭരണാനുമതി ലഭിച്ചെന്ന് എം സി ഖമറുദ്ദീൻ എം എൽ എ
Feb 17, 2021, 14:16 IST
ഉപ്പള: (www.kasargodvartha.com 17.02.2021) മഞ്ചേശ്വരം മണ്ഡലത്തിലെ വിവിധ റോഡുകളുടെ പുനരുദ്ധാരണത്തിന് 1.25 കോടിയുടെ ഭരണാനുമതി ലഭിച്ചതായി എം സി ഖമറുദ്ദീൻ എംഎൽഎ അറിയിച്ചു. എംഎൽഎ യുടെ ശുപാർശയെ തുടർന്ന് കേരള ദുരന്ത നിവാരണവകുപ്പിൽ നിന്നാണ് തുക അനുവദിച്ചതെന്നും അദ്ദേഹം പറഞ്ഞു.
മംഗൽപാടി പഞ്ചായത്തിലെ അമ്പാർ - ചെറുഗോളി, ഹിദായത്ത് നഗർ - മദക്കം, അടുക്ക - കുനിൽ സ്കൂൾ, കുമ്പള പഞ്ചായത്തിലെ ബദ്രിയ നഗർ അങ്കൺവാടി - ബോൾക്കുന്ന്, സി എച് സി - മാട്ടംകുഴി, മഞ്ചേശ്വരം പഞ്ചായത്തിലെ ബങ്കര മഞ്ചേശ്വരം - കാടിയാർ, ചെക് പോസ്റ്റ് - കടവു, അംബേദ്കർ - ഡോൺ ബോസ്കോ സ്കൂൾ, എൺമകജെ പഞ്ചായത്തിലെ മുണ്ട്യത്തടുക്ക - സ്കൂൾ, ശേണി - ചർച്, കണ്ണാടിക്കാനം - കുദുവ, ഉക്കിനടുക്ക - പർപ്പക്കരിയ, പുത്തിഗെ പഞ്ചായത്തിലെ പർളാഡം - മദ്രസ സൈഡ്, മണിയമ്പാറ- കാന്തലായം, പുത്തിഗെ ജുമാ മസ്ജിദ്, മംഗലടുക്ക-ദഡ്പന-സിഗെമൂല, പൈവളിഗെ പഞ്ചായത്തിലെ കുണ്ടച്ചകട്ടെ - സാൻതിയോട്, മേർക്കള മസ്ജിദ്, മീഞ്ച പഞ്ചായത്തിലെ നീരോളിക- കൊണില, ലക്ഷംവീട് - മിയപ്പദവ്, നാട്ടക്കല്ല് - മാട്ടെ, വോർക്കാടി പഞ്ചായത്തിലെ ആനക്കല്ല് - കത്തരക്കോടി, ഗ്വഡപ്പടുപ്പ്- പിലിചാമുണ്ഡി, പാത്തൂർ - മാടൂർ, ദൈഗോളി - ബോർക്കള എന്നീ റോഡുകളുടെ പുനരുദ്ധാരണത്തിനാണ് ഫൺഡ് അനുവദിച്ചത്. ഓരോ റോഡിനും അഞ്ച് ലക്ഷം രൂപയാണ് നീക്കിവെച്ചിട്ടുള്ളത്.
Keywords: Kerala, News, Kasaragod, Uppala, Manjeshwaram, Road, Development project, Top-Headlines, M.C.Khamarudheen, Rehabilitation of roads: MC Khamaruddin MLA gets administrative sanction of Rs 1.25 crore in Manjeswaram constituency.
< !- START disable copy paste -->