പകൽ വോട്ട് ചോദിച്ചു പോയ വീട്ടുമുറ്റത്ത്‌ രാത്രിയായപ്പോൾ പെരുമ്പാമ്പ്; വീട്ടുകാർ സഹായം തേടി വിളിച്ചപ്പോൾ പാഞ്ഞെത്തി സ്ഥാനാർത്ഥി

സുധീഷ് പുങ്ങംചാൽ

വെള്ളരിക്കുണ്ട്: (www.kasargodvartha.com 27.11.2020) പകൽ വോട്ടു ചോദിച്ചു പോയ വീട്ടുമുറ്റത്ത് രാത്രിയായപ്പോൾ പെരുമ്പാമ്പ്. പാമ്പിനെ പിടിക്കാൻ വീട്ടുകാർ വിളിച്ചത് സ്ഥാനാർത്ഥിയെ. വെള്ളരിക്കുണ്ട് മാലോത്ത്‌ വ്യാഴാഴ്ച രാത്രിയാണ് വ്യതസ്തമായ പാമ്പ് പിടുത്തം നടന്നത്.

ബളാൽ ഗ്രാമ പഞ്ചായത്തിലെ ആറാം വാർഡ് സ്ഥാനാർഥി എൻ ജെ മാത്യു എന്ന നാട്ടുകാരുടെ അലക്സ് നെടിയ കാലയും കൂട്ടുകാരുമാണ് പാമ്പിനെ പിടിക്കാൻ രംഗത്തിറങ്ങിയത്. വ്യാഴാഴ്ച രാത്രി പത്തു മണിയോടെ മാലോം ദർഘാസിലാണ് സംഭവം. ദർഘാസിലെ മണിയമ്പ്ര ആന്റണിയുടെ വീട്ടു മുറ്റത്താണ് ആറടിയോളം നീളമുള്ള പെരുമ്പാമ്പിനെ കണ്ടത്.