വാഹനാപകടത്തില്‍ ഗുരുതരമായി പരിക്കേറ്റ് ചികിത്സയിലായിരുന്ന വീട്ടമ്മ മരണപ്പെട്ടു

കാസര്‍കോട്: (www.kasargodvartha.com 27.03.2020) വാഹനാപകടത്തില്‍ ഗുരുതരമായി പരിക്കേറ്റ് ചികിത്സയിലായിരുന്ന വീട്ടമ്മ മരണപ്പെട്ടു. തളങ്കര പട്ടേല്‍ റോഡിലെ എ എച്ച് അഹ് മദ് മുസ്ലിയാരുടെ ഭാര്യ അസ്മ (75)യാണ് മരിച്ചത്. മൂന്നാഴ്ച മുമ്പ് കാറഡുക്കയില്‍ വെച്ചാണ് അപകടമുണ്ടായത്. മുള്ളേരിയയ്ക്ക് സമീപത്തെ കുടുംബ വീട്ടില്‍ പോയി മടങ്ങുന്നതിനിടെ ജീപ്പ് കുഴിയിലേക്ക് മറിയുകയായിരുന്നു. അപകടത്തില്‍ മകള്‍ക്കും ഡ്രൈവര്‍ക്കും പരിക്കേറ്റിരുന്നു.


മക്കള്‍: റംല, സുഹറ, സുമയ്യ, നസീറ. മരുമക്കള്‍: ബഷീര്‍ തളിപ്പറമ്പ് (വ്യാപാരി), അബ്ദുല്ല തെരുവത്ത്, അബ്ദുല്‍ ഖാദര്‍ ചെങ്കള, മുഹമ്മദ് കുഞ്ഞി പള്ളിക്കര (ദുബൈ), സഹോദരങ്ങള്‍: എം എസ് അബ്ദുല്‍ ഖാദര്‍, എം എസ് അബൂബക്കര്‍, എം എസ് അബ്ദുല്‍ സത്താര്‍, ആഇശ, ബീഫാത്വിമ, ഉമ്മാലിമ്മ, നഫീസ, പരേതരായ അബ്ദുല്ല, മഹ് മൂദ്. മൃതദേഹം തളങ്കര മാലിക് ദീനാര്‍ ജുമാമസ്ജിദ് ഖബര്‍സ്ഥാനില്‍ ഖബറടക്കി.

Keywords: Kasaragod, Kerala, News, House-wife, Death, Accident, House wife died after accident injury