നിരോധനാജ്ഞ പ്രഖ്യാപിച്ച സ്ഥലങ്ങളില്‍ നബി ദിന റാലിക്ക് തത്കാലം അനുമതിയില്ല; തീരുമാനം രാത്രി 11 മണിക്ക് ശേഷമെന്ന് ജില്ലാ കലക്ടര്‍

Whatsapp Group Whatsapp Channel

By Web Desk - MainNov 9, 2019, 11:25 IST

കാസര്‍കോട്: (www.kasargodvartha.com 09.11.2019) നിരോനാജ്ഞ പ്രഖ്യാപിച്ച സ്ഥലങ്ങളില്‍ നബി ദിന റാലിക്ക് അനുമതിയില്ല. തീരുമാനം രാത്രി 11 മണിക്ക് ശേഷം അറിയിക്കുമെന്ന് ജില്ലാ കലക്ടര്‍ ഡോ. ഡി സജിത് ബാബു കാസര്‍കോട് വാര്‍ത്തയോട് പറഞ്ഞു. ബാബരി മസ്ജിദ്-രാമജന്മഭൂമി കേസിലെ സുപ്രീംകോടതി വിധിയുടെ പശ്ചാത്തലത്തില്‍ മഞ്ചേശ്വരം, കുമ്പള, കാസര്‍കോട്, ചന്തേര, ഹോസ്ദുര്‍ഗ് എന്നീ പോലീസ് സ്റ്റേഷന്‍ പരിധികളിലാണ് നിരോധനാജ്ഞ പ്രഖ്യാപിച്ചിട്ടുള്ളത്. ജനങ്ങള്‍ ഇതുമായി പൂര്‍ണമായും സഹകരിക്കണമെന്ന് കലക്ടര്‍ അഭ്യര്‍ത്ഥിച്ചു.

ഛിദ്രശക്തികളെ ഒറ്റപ്പെടുത്തുന്നതിന്നുള്ള അവസരമായി ഇത് മുഴുവന്‍ ജനങ്ങളും ഉപയോഗിക്കണം. സമാധാനം നിലനിര്‍ത്തുന്നതിനുള്ള പ്രവര്‍ത്തനങ്ങളുമായി എല്ലാ സുമനസ്സുകളും മുന്നോട്ടു വരണമെന്നും കലക്ടര്‍ അഭ്യര്‍ത്ഥിച്ചു. ഓരോ ആറു മണിക്കൂറും സ്ഥിതിഗതികള്‍ വീക്ഷിക്കുന്നുണ്ടെന്ന് കലക്ടര്‍ പറഞ്ഞു. സ്ഥിതി ശാന്തമാണെങ്കില്‍ രാത്രി 11 മണിക്കു ശേഷം മാത്രമേ ഇതുസംബന്ധിച്ച് അന്തിമ തീരുമാനമുണ്ടാവുകയുള്ളൂവെന്നും കലക്ടര്‍ അറിയിച്ചു.