ബാങ്കില്‍ പണയം വെച്ച സ്വര്‍ണമെടുത്ത് തിരിമറി; വനിതാ മാനേജരെ പിരിച്ചുവിട്ടു

പയ്യന്നൂര്‍: (www.kasargodvartha.com 12.10.2019) ബാങ്കില്‍ പണയം വെച്ച സ്വര്‍ണമെടുത്ത് തിരിമറി നടത്തിയ സംഭവത്തില്‍ പ്രതിയായ വനിതാ മാനേജരെ സര്‍വ്വീസില്‍ നിന്നും പിരിച്ച് വിട്ടു. കണ്ണൂര്‍ ജില്ലാ സര്‍വ്വീസ് സഹകരണ ബാങ്ക് തളിപ്പറമ്പ് മാനേജര്‍ ചെറുകുന്ന് തറയിലെ തൂണോളി വീട്ടില്‍ ടി വി രമ(42)യെയാണ് ബാങ്ക് അഡ്മിനിസ്ട്രേറ്ററായ സഹകരണ സംഘം ജോയിന്റ് രജിസ്റ്റാര്‍ പിരിച്ച് വിട്ടത്. 2017 ഒക്ടോബര്‍ 26ന് ബാങ്കില്‍ പണയം വെച്ച 70ലക്ഷം രൂപ വിലയുള്ള സ്വര്‍ണാഭരണങ്ങള്‍ ലോക്കറില്‍ നിന്നുമെടുത്ത് മറ്റൊരു ബാങ്കില്‍ പണയപ്പെടുത്തിയ സംഭവത്തിലാണ് രമയെ സര്‍വ്വീസില്‍ നിന്നും പിരിച്ചു വിട്ടത്.