വീട്ടില്‍ നിന്നും ഇറങ്ങിയോടിയ യുവതിക്കായി തിരച്ചില്‍ തുടരുന്നു

Whatsapp Group Whatsapp Channel

By Webdesk ViSep 15, 2019, 12:29 IST

നീലേശ്വരം:(www.kasargodvartha.com 15/09/2019) രാത്രി വീട്ടില്‍ നിന്നും ഇറങ്ങിയോടിയ യുവതിക്കായി നാട്ടുകാരും പോലീസും തിരച്ചില്‍ തുടങ്ങി.നീലേശ്വരം തൈക്കടപ്പുറം ആശുപത്രി റോഡിലെ സുധാകരന്‍ അനിത ദമ്പതികളുടെ മകള്‍ സുനിതയെ (34)യാണ് കാണാതായത്.ശനിയാഴ്ച രാത്രി 11 മണിയോടെയാണ് സംഭവം. അജാനൂര്‍ കടപ്പുറത്തെ പ്രദീപന്റെ ഭാര്യയാണ്. ഇവര്‍ക്ക് ഒരു വയസ്സുള്ള ആണ്‍കുട്ടിയുണ്ട്.

രാത്രി മാതാവുമായി പിണങ്ങിയ സുനിത വീട്ടില്‍ നിന്നും ഇറങ്ങിയോടുകയായിരുന്നു. ഈ സമയം ഇതു വഴി പോയ ഒരു വാഹന ഡ്രൈവര്‍ ഒരു സ്ത്രീ റോഡ് മുറിച്ച് കടന്ന് പോകുന്നത് കണ്ടതായി പോലീസില്‍ വിവരം നല്‍കിയിട്ടുണ്ട്. യുവതി കടന്ന് പോയത് പുഴയോരത്തേക്കുള്ള വഴിയിലൂടെയാണെന്നതിനാല്‍ പുഴയിലും തിരച്ചില്‍ നടത്തിവരുന്നുണ്ട്. നീലേശ്വരം പോലീസ് വീട്ടുകാരുടെ പരാതിയില്‍ മിസിംഗിന് കേസെടുത്ത് അന്വേഷണം ഊര്‍ജ്ജിതമാക്കിയിട്ടുണ്ട്.പുലര്‍ച്ചെവരെ തെരെച്ചില്‍ നടത്തിയിരുന്നു.രാവിലെയും തിരച്ചില്‍ തുടരുകയാണ്.