കാസര്‍കോട്ട് റെഡ് അലേര്‍ട്ട് പ്രഖ്യാപിച്ചു; ജനങ്ങള്‍ ജാഗ്രത പാലിക്കണം

Whatsapp Group Whatsapp Channel

By Web Desk - MainAug 9, 2019, 11:12 IST

കാസര്‍കോട്: (www.kasargodvartha.com 09.08.2019) കനത്ത മഴ തുടരുന്ന സാഹചര്യത്തില്‍ കാസര്‍കോട് ജില്ലയിലും റെഡ് അലേര്‍ട്ട് പ്രഖ്യാപിച്ചു. കാസര്‍കോട് ഉള്‍പെടെ ഒമ്പത് ജില്ലകളിലാണ് റെഡ് അലേര്‍ട്ട് പ്രഖ്യാപിച്ചത്. കാസര്‍കോടിന് പുറമെ എറണാകുളം, ഇടുക്കി, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് കണ്ണൂര്‍ ജില്ലകളിലാണ് റെഡ് അലേര്‍ട്ട് പ്രഖ്യാപിച്ചിരിക്കുന്നത്. സംസ്ഥാനത്ത് പ്രളയക്കെടുതിയില്‍ മരിച്ചവരുടെ എണ്ണം 26 കവിഞ്ഞു.

കാസര്‍കോട്ട് റെഡ് അലേര്‍ട്ട് പ്രഖ്യാപിച്ചു; ജനങ്ങള്‍ ജാഗ്രത പാലിക്കണം

കാസര്‍കോട്ടെ ബളാല്‍, കോടോംബേളൂര്‍, ഈസ്റ്റ് എളേരി, വെസ്റ്റ് എളേരി പഞ്ചായത്തുകളിലെ ആളുകളോട് മാറിത്താമസിക്കാന്‍ ജില്ലാ കലക്ടര്‍ ഡോ. ഡി സജിത് ബാബു നിര്‍ദേശം നല്‍കിയിട്ടുണ്ട്. അടിയന്തിര സാഹചര്യത്തില്‍ കളക്ടറേറ്റിലെ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുമായി ബന്ധപ്പെടാം. ഫോണ്‍: 04994 257700, 94466 01700.