ഉപ്പള റെയില്‍വേ സ്റ്റേഷനില്‍ നേത്രാവതി -മാവേലി എക്‌സ്പ്രസുകള്‍ക്ക് സ്റ്റോപ്പ് അനുവദിക്കണമെന്ന് ആവശ്യം; എം പിക്ക് നിവേദനം നല്‍കി

ഉപ്പള: (www.kasargodvartha.com 21.07.2019) ഉപ്പള റെയില്‍വേ സ്റ്റേഷന്‍ സന്ദര്‍ശിച്ച രാജ്‌മോഹന്‍ ഉണ്ണിത്താന്‍ എം പിക്ക് സേവ് ഉപ്പള റെയില്‍വേ സ്റ്റേഷന്‍ കമ്മിറ്റി നിവേദനം നല്‍കി. നേത്രാവതി എക്‌സ്പ്രസ്, മാവേലി എക്‌സ്പ്രസ് എന്നീ ട്രെയിനുകള്‍ക്ക് ഉപ്പളയില്‍ സ്റ്റോപ്പ് അനുവദിക്കുക, ഉപ്പളയിലും മണിഹിത്തിലുവിലും അടിപ്പാത നിര്‍മ്മിക്കുക, ഉപ്പളയില്‍ റിസര്‍വേഷന്‍ സൗകര്യം ഏര്‍പ്പെടുത്തുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു നിവേദനം നല്‍കിയത്.

സേവ് ഉപ്പള റെയില്‍വേ സ്റ്റേഷന്‍ കമ്മിറ്റി ഭാരവാഹികളായ അഡ്വ. ബാലകൃഷ്ണ ഷെട്ടി, മുഹമ്മദ് അസീം, ഷാഹുല്‍ ഹമീദ് ബന്തിയോട്, ടി എ മൂസ, എം കെ അലി മാസ്റ്റര്‍, സത്യന്‍ സി ഉപ്പള, നാഫി ബപ്പായിതൊട്ടി, കുട്ടികൃഷ്ണന്‍, മഖ്ബൂല്‍ അഹ് മദ്, ഉമ്മര്‍ രാജാവ് തുടങ്ങിയവര്‍ എം പിയെ സ്വീകരിച്ചു.

നെഹ്‌റു യുവ കേന്ദ്രയും ബ്രദേര്‍സ് മണിമുണ്ടയും സംയുക്തമായി നടത്തുന്ന സ്വച്ച് ഭാരത് ശുചീകരണ പ്രവര്‍ത്തനങ്ങളുടെ ഭാഗമായി നടത്തിയ മാരത്തണ്‍ ഓട്ടം എം പി ഉദ്ഘാടനം ചെയ്തു. റൈസ് ഇന്‍സ്റ്റിറ്റ്യൂട്ട് ഉപ്പളയിലെ വിദ്യാര്‍ത്ഥികളും മാരത്തണ്‍ ഓട്ടത്തില്‍ പങ്കെടുത്തു.