മംഗളൂരുവില്‍ കോളജ് വിദ്യാര്‍ത്ഥിനിയെ കൂട്ടബലാത്സംഗം ചെയ്ത സംഭവം; വീഡിയോ സോഷ്യല്‍ മീഡിയയില്‍ ഷെയര്‍ ചെയ്ത മൂന്നു പേര്‍ കൂടി അറസ്റ്റില്‍

മംഗളൂരു: (www.kasargodvartha.com 07.07.2019) മംഗളൂരുവില്‍ കോളജ് വിദ്യാര്‍ത്ഥിനിയെ കൂട്ടബലാത്സംഗം ചെയ്ത സംഭവത്തില്‍ വീഡിയോ സോഷ്യല്‍ മീഡിയയില്‍ ഷെയര്‍ ചെയ്ത മൂന്നു പേരെ കൂടി പോലീസ് അറസ്റ്റു ചെയ്തു. ബെലന്തൂര്‍ സ്വദേശികളായ ഷൗക്കത്തലി (31), ജാബിര്‍ (28), നാസിര്‍ (24) എന്നിവരെയാണ് എസ് പി ബി എം ലക്ഷ്മിപ്രസാദിന്റെ നിര്‍ദേശത്തെ തുടര്‍ന്ന് അറസ്റ്റു ചെയ്തത്.

നേരത്തെ ഈ സംഭവത്തില്‍ എട്ടു പേരെ അറസ്റ്റു ചെയ്തിരുന്നു. അതേസമയം ബലാത്സംഗക്കേസില്‍ അറസ്റ്റിലായ അഞ്ച് വിദ്യാര്‍ത്ഥികളെ കസ്റ്റഡിയില്‍ വാങ്ങി പോലീസ് ചോദ്യംചെയ്തുവരികയാണ്.