ലോക്‌സഭാ സ്ഥാനാര്‍ത്ഥികള്‍ തെരഞ്ഞെടുപ്പ് ചെലവു സംബന്ധിച്ച കണക്ക് സമര്‍പ്പിക്കണം

കാസര്‍കോട്: (www.kasargodvartha.com 13.06.2019) ലോക്‌സഭാ തെരഞ്ഞെടുപ്പ് സ്ഥാനാര്‍ത്ഥികള്‍ തെരഞ്ഞെടുപ്പ് ചെലവു സംബന്ധിച്ച കണക്ക് ജൂണ്‍ 22ന് മുമ്പ് ജില്ലാ തിരഞ്ഞെടുപ്പ് ഓഫീസര്‍ മുമ്പാകെ സമര്‍പ്പിക്കണം. ഇലക്ഷന്‍ കണക്ക് മതിയായ കാരണമില്ലാതെ സമര്‍പ്പിക്കാത്ത പക്ഷം ജനപ്രാതിനിധ്യ നിയമത്തിലെ 10 എ വകുപ്പ് പ്രകാരം മൂന്ന് വര്‍ഷത്തേക്ക് അയോഗ്യത കല്‍പിക്കുന്നതാണ്.

തിരഞ്ഞെടുപ്പ് കണക്ക് തയ്യാറാക്കുന്നതുമായി ബന്ധപ്പെട്ട് വെള്ളിയാഴ്ച 10 മണിക്ക് കലക്ടറേറ്റ് ഹാളില്‍ പരിശീലനം സംഘടിപ്പിക്കും. സ്ഥാനാര്‍ത്ഥികള്‍ക്കും സ്ഥാനാര്‍ത്ഥിയുടെ ഏജന്റിനും കണക്ക് തയ്യാറാക്കുന്ന ഏജന്റിനും പ്രസ്തുത പരിശീലനത്തില്‍ പങ്കെടുക്കാം. സ്ഥാനാര്‍ത്ഥി തയ്യാറാക്കുന്ന കണക്കും തിരഞ്ഞെടുപ്പ് കമ്മീഷന്‍ തയ്യാറാക്കുന്ന ഷേഡോ ഒബ്‌സര്‍വേഷന്‍ രജിസ്റ്ററും തമ്മിലുള്ള അനുരഞ്ജനം നടത്തുന്നതിന് 18ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരുന്ന യോഗത്തില്‍ സ്ഥാനാര്‍ത്ഥിയോ ഏജന്റോ പങ്കെടുക്കണമെന്ന് ജില്ലാ ഇലക്ഷന്‍ ഓഫീസര്‍ കൂടിയായ ജില്ലാ കലക്ടര്‍ അറിയിച്ചു.