ഫാന്‍സി കടയിലെ സെയില്‍സ്മാനും സെയില്‍സ് ഗേളും ഒളിച്ചോടി

കാഞ്ഞങ്ങാട്: (www.kasargodvartha.com 10.05.2019) നഗരമധ്യത്തിലെ ഫാന്‍സി കടയിലെ സെയില്‍സ്മാനും സെയില്‍സ് ഗേളും ഒളിച്ചോടി. പുതിയകോട്ടയ്ക്ക് സമീപത്തെ 19കാരിയാണ് 25കാരനായ യുവാവിനൊപ്പം ഒളിച്ചോടിയത്. കടയില്‍ നിന്നും വീട്ടിലെത്തിയ യുവതിയെ വ്യാഴാഴ്ച രാത്രി എട്ടു മണിക്ക് ശേഷമാണ് കാണാതായത്.

തുടര്‍ന്ന് ബന്ധുക്കള്‍ യുവതിക്കായി അന്വേഷണം നടത്തി വരുന്നതിനിടയിലാണ് കാമുകന്‍ യുവതിയുടെ സഹോദരന്റെ മൊബൈല്‍ ഫോണില്‍ വിളിച്ച് യുവാവ് നിങ്ങളുടെ സഹോദരി എന്റെ കൂടെയുണ്ടെന്നും അവളെ അന്വേഷിക്കെണ്ടതില്ലെന്നും അറിയിച്ചത്. തുടര്‍ന്ന് ബന്ധുക്കള്‍
ഹൊസ്ദുര്‍ഗ് പോലീസില്‍ പരാതി നല്‍കുകയായിരുന്നു.

പരാതിയുടെ അടിസ്ഥാനത്തില്‍ കേസെടുത്ത് അന്വേഷണം ആരംഭിച്ചു. സഹപ്രവര്‍ത്തകരായ ഇരുവരും ഏറെ നാളായി പ്രണയത്തിലായിരുന്നുവത്രെ.